Вайна ў Кіеве. Трагічны дзень. Амаль сто забітых (УЖЫВУЮ)

Сяргей Аніська: Януковіч — палітычны труп

Былы вайсковы контравыведнік, вэтэран вайны ў Аўганістане Сяргей Аніська на просьбу Свабоды пракамэнтаваў зьвесткі з Майдану пра знаходжаньне ў аднаго з палонных міліцыянтаў шаўрона расейскага МУС.

Рада пачала паседжаньне

Сэсію адкрыў віцэ-сьпікер Раман Кашулінскі з партыі «Свабода». Дэпутаты засьпявалі гімн Украіны.

Паводле дэпутата Алега Ляшко ў Вярхоўнай Радзе зарэгістравалася большасьць дэпутатаў — 237 пры неабходных 226.

Нестар Шуфрыч з Партыі рэгіёнаў прывёз прапановы ад сваёй фракцыі, дэпутаты пачалі іх абмеркаваньне.

Міліцыянтам выдалі агнястрэльную зброю

Апублікаваны зварот міністра ўнутраных спраў Украіны Віталя Захарчанкі, які падпісаў загад аб выдачы міліцыянтам баявой зброі.

Людзі спынілі цягнік з дэсантнікамі

У Днепрапятроўскай вобласьці ў сяле Меліяратыўнае людзі сталі на чыгуначныя рэйкі, каб не пусьціць у Кіеў цягнік з дэсантнікамі. Людзі скандуюць: «Армія з народам!» Салдаты ў поўнай экіпіроўцы з аўтаматамі вымушаныя выйсьці зь цягніга, — паведамляе Espreso.tv.

Паводле загаду міністра абароны Ўкраіны, 500 дэсантнікаў з Днепрапятроўскай 25-й брыгады накіроўвацюцца дзеля аховы арсэналаў у Кіеве.

Дэпутаты зьбіраюцца на сэсію

Апазыцыя, а таксама некалькі дзясяткаў дэпутатаў ад Партыі рэгіёнаў сабраліся на тэрміновае паседжаньне Вярхоўнай Рады. Сьпікера Ўладзімера Рыбака, камуністаў і большасьці рэгіяналаў няма. Для правядзеньня пасяджэньня патрэбна 226 дэпутатаў.

Кількість депутатів збільшується. Уже десь 130. Але постійно підходять. Тигіпка поки немає pic.twitter.com/siyFL9jMCI

— Serhii Andrushko (@S_Andrushko) February 20, 2014

Відэа ранішняга бою на Інстытуцкай вуліцы у Кіеве

Валер Костка: Калі будзе загад Масквы, беларускі дыктатар дапаможа Януковічу

Афіцыйна пацьверджаная сьмерць 35 чалавек у Кіеве

Вярхоўная Рада можа прызнаць Януковіча незаконным

Лукашэнка накіраваў спачуваньне Януковічу

Аляксандар Лукашэнка накіраваў спачуваньне прэзыдэнту Ўкраіны Віктару Януковічу ў сувязі з гібельлю людзей у выніку масавых беспарадкаў у Кіеве.

«Беларусь заўсёды асуджала супрацьпраўныя дзеяньні ўдзельнікаў палітычных канфліктаў і неканстытуцыйныя мэтады вырашэньня ўнутрыпалітычных рознагалосьсяў, якія непазьбежна прыводзяць да эскаляцыі гвалту», — гаворыцца ў спачуваньні.

Аляксандр Лукашэнка таксама выказаў спачуваньні родным і блізкім загінулых і пажаданьні хутчэйшага выздараўленьня пацярпелым.

Снайпэры страляюць у Кіеве – відэадоказ

Пры адыходзе сілавікоў сёньня з вуліцы Інстытуцкай снайпэры стралялі па людзях на Майдане Незалежнасьці. Гэта відаць на відэакадрах, прадстаўленых Радыё Свабода журналістам Ігарам Захарчанкам. Сёньня каля 9:00 актывісты вярнуліся на пазыцыі, страчаныя 18 лютага. У гэты час загінулі дзясяткі ўдзельнікаў акцыі пратэсту.

Мэтро ў Кіеве пасьля праверкі запрацуе

Пра гэта Інтэрфаксу паведамілі ў Кіеўскай дзяржаўнай адміністрацыі пасьля таго, як яе кіраўнік Уладзімер Макеенка заявіў пра выхад з Партыі рэгіёнаў.

Тэрміновы зварот Віталя Клічко

МУС Украіны: «Масавы пераход» міліцыі на бок дэманстрантаў — чуткі

МУС Украіны запэўнівае, што зьвесткі пра «масавы пераход» супрацоўнікаў праваахоўных органаў на бок радыкальных удзельнікаў масавых пратэстаў пашыраюцца наўмысна, каб увесьці ў зман украінскую і ўсясьветную грамадзкасьць:

«Усё гэта — ня больш чым чуткі, якія наўмысна распаўсюджваюць самі ўдзельнікі пратэсту. Настрой праваахоўнікаў — на высокім узроўні, яны гатовыя бараніць украінскіх грамадзянаў ад супрацьпраўных дзеяньняў з боку экстрэмістаў», — гаворыцца на афіцыйным сайце МУС Украіны.

Заява кіраўніка кіеўскай улады Уладзімера Макеенкі пра выхад з Партыі рэгіёнаў

На Майдане чакаюць увядзеньня надзвычайнага становішча

У бліжэйшыя гадзіны Януковіч ўвядзе ў Кіеве можа ўвесьці надзвычайнае становішча, паведамляе Нацыянальны штаб супраціву.

Пры ўводзе надзвычайнага стану будзе цалкам адключаны інтэрнэт і мабільная сувязь.

Кіраўнік кіеўскай улады выходзіць з Партыі рэгіёнаў і абяцае адкрыць мэтро

Народны дэпутат Андрэй Ільенка гаварыў з кіраўніком кіеўскай адміністрацыі Уладзімірам Макеенкам па тэлефоне.

Той заявіў пра свой выхад з Партыі рэгіёнаў, а таксама пра тое, што ён гатовы запусьціць працу Кіеўскага мэтрапалітэна. Пра гэта заявіў народны дэпутат ВА «Свабода» Андрэй Ільенка ў сваім Фэйсбуку.

Мядзведзеў заклікаў Януковіча ня быць анучай