Лінкі ўнівэрсальнага доступу

logo-print

Магілёўскія ўкраінцы: «Трэба маліцца за Ўкраіну»


Віталь Радчанка

Віталь Радчанка

Магілёўскія ўкраінцы лічаць, што на іхнай гістарычнай радзіме разьвіцьцё падзеяў пайшло па найгоршым са сцэнароў. Некаторыя заяўляюць, што ва Ўкраіне пачалася грамадзянская вайна і хуткага міру ня будзе. Некаторыя ж трымаюцца думкі, што вайны няма, але супрацьстаяньне перастае ў збройны канфлікт, які можна яшчэ залагодзіць палітычнымі захадамі.

Пастар царквы хрысьціян веры эвангельскай Віталь Радчанка з Магілёва заклікае сваіх суайчыньнікаў да міру дзеля Ўкраіны. Ён зазначае, што ўся ягоная сям’я сочыць за падзеямі на гістарычнай радзіме, і не хавае сваіх сымпатыяў да тых, хто бароніць Майдан:

«Там ужо грамадзянская вайна. Людзі гінуць. Я б, вядома ж, хацеў, каб ва Ўкраіне была дэмакратычная свабода. Мо нават Украіна за сабой пацягне і Беларусь, і Расею. Каб там былі міралюбныя стасункі з Эўропай і Амэрыкай. Уся Ўкраіна падтрымлівае апазыцыю. Трэба лічыцца з народам».

Жыхар Шклова ўкраінец Міхаіл Кучарэнка лічыць, што да збройнага паўстаньня прывялі так і не рэалізаваныя магчымасьці мірна разьвязаць канфлікт ва Ўкраіне. У гэтым ён вінаваціць як Януковіча, гэтак і ягоных апанэнтаў з апазыцыі. Апазыцыі, кажа Кучарэнка, варта было зьбіраць подпісы і праводзіць рэфэрэндум пра недавер уладзе Януковіча. Януковіч жа вінаваты, на думку былога вайскоўца, у зьбіцьці мірных пратэстоўцаў і правакаваньні іх на радыкальны супраціў:

Міхаіл Кучарэнка

Міхаіл Кучарэнка

«Не, ня будзе грамадзянскай вайны. Рэгіёны ж там не раўнамерна ахопленыя гэтым пратэстным рухам, калі толькі Януковіч дурноты якой не адмочыць. Але ў любым разе без наступстваў гэта ўсё ня скончыцца. Супрацьстаяньне было, ёсьць і будзе. Захад і Ўсход як злучыць — традыцыі, мэнталітэт? На захадзе Ўкраіны гавораць на пяці-шасьці мовах — на Ўсходзе даволі дзьвюх. Канстытуцыяй Рэспублікі вызначаны вэктар разьвіцьця краіны — не на Ўсход, а на Захад. Дык чаго ж яшчэ хацець?»

Юры Дарашэнка

Юры Дарашэнка

За падзеямі ва Ўкраіне сочыць і магілёўскі ўкраінец Юры
Юры ДарашэнкаДарашэнка. Ён верыць, што ўкраінскі народ выстаіць у барацьбе за свабоду. Ён з прыкрасьцю адзначае, што Кіеў апошні раз у агні быў падчас Другой усясьветнай вайны:

«Ёсьць вядомая такая песьня. Яна гімн Кіева: Як тебе не любити, Києве мій! Мне цяпер балюча глядзець на тое, што адбываецца там, як улады душаць народ. Зьнішчаецца самае сьветлае, што ёсьць у людзей — іх прага да свабоды. Але народ заўжды перамагае. Сілы хопіць. Тое, што адбываецца ў Беларусі, не павінна паўтарыцца ва Ўкраіне. Але тое, што адбываецца цяпер ва Ўкраіне, дае спадзеў і тым, хто жыве ў Беларусі і ў Расеі».

Украінка з Магілёва Людміла Мазур, кажучы пра падзеі на сваёй гістарычнай радзіме, адзначае: ёй балюча ўсьведамляць, што ўкраінцы ня могуць паразумецца адзін з адным:

«Страшна. Каб гэта ўсё не прывяло да вайны грамадзянскай. Трэба весьці перамовы, трэба дамаўляцца, бо страляніна на Майдане — гэта ні да чога не прывядзе. Міру ня будзе ва Ўкраіне. За Ўкраіну трэба маліцца».

Паказаць камэнтары

XS
SM
MD
LG