Лінкі ўнівэрсальнага доступу

Ужо сёньня, 20 лютага: гадавіна стварэньня першага ўраду БНР і ўручэньне прэміі імя Вацлава Ластоўскага


Урад БНР, 1918

Урад БНР, 1918

Падзеі і даты гэтага дня ў Беларусі, сьвеце, гісторыі.

ПАДЗЕІ ДНЯ:

Брусэль. Рада міністраў замежных справаў Эўразьвязу разгледзець сытуацыю ва Ўкраіне.

Менск. У «Арт Сядзібе» (зав. Інструмэнтальны, 6, офіс 105) Таварыства аматараў гісторыі ўручае прэмію імя Вацлава Ластоўскага. Пачатак а 18.30. Уваход вольны.

Менск. У судзе Заводзкага раёну будзе разгледжаны пазоў мастака Андрэя Смаляка аб абароне гонару, годнасьці і дзелавой рэпутацыі супраць уладальніка кампаніі Serge і заснавальніка штотыднёвіка «Обозреватель» Сяргея Атрошчанкі.

Вёска Раўбічы (Менскі раён). У Музэі беларускага народнага мастацтва працягваецца выстава «Беларускі народны абраз ХІХ стагодзьдзя», дзе прадстаўленыя 44 творы з прыватнай калекцыі Дзьмітрыя Сабаніна.

ЁСЬЦЬ НАГОДА

Сусьветны дзень сацыяльнай юстыцыі

ГЭТЫ ДЗЕНЬ У ГІСТОРЫІ

1810 – памёр Марцiн Пачобут-Адлянiцкi, асьветнік, астраном, пэдагог.

1889 – нарадзіўся Фёдар Турук, беларускі гісторык і грамадзкі дзяяч.

1897 – нарадзіўся Васіль Шаранговіч, савецкі партыйны дзяяч.

1918 – у Менску створаны Народны сакратарыят, першы ўрад Беларускай Народнай Рэспублікі.

1947 – нарадзіўся Валеры Мазынскi, беларускі тэатральны рэжысэр і грамадзкі дзяяч.

1962 – нарадзіўся Аляксей Шадзько, беларускі музыка, актор тэатру і кіно.

1963 – памёр Кастусь Галкоўскі, беларускі кампазытар.

1988 – памёр Павал Каруза, беларускі фальклярыст, этнамузыколяг, кампазытар, грамадзка-палітычны дзяяч.

1963 – памёр Канстанцiн Палiкарповiч, беларускі археоляг.

2012 – памёр Міхаіл Цікоцкі, беларускі мовазнавец і журналіст.

ЦЫТАТА НА ПАМЯЦЬ:

Выканаўчы Камітэт Рады Першага Ўсебеларускага зьезду‚ папоўнены прадстаўнікамі рэвалюцыйнай дэмакратыі нацыянальных меншасьцяў‚ зьдзяйсьняючы мэты Зьезду‚ абвяшчае сябе часовай уладай на Беларусі... Часовую народную ўладу краю‚ якая ставіць мэтай абарону і зацьверджаньне заваяваньняў рэвалюцыі‚ будзе зьдзейсьніваць створаны намі Народны Сакратарыят Беларусі‚ які ад гэтага дня пачаў выконваць свае абавязкі.

З І-й Устаўной граматы Рады БНР
XS
SM
MD
LG