Лінкі ўнівэрсальнага доступу

Сілавікі заклікаюць дэманстрантаў «спыніць хаос» і даюць час да 18:00


СБУ і МУС даюць пратэстоўцам час да 18:00 спыніць беспарадкі. Пра гэта гаворыцца ў сумеснай заяве кіраўнікоў гэтых ведамстваў.

«Экстрэмісты з апазыцыі перайшлі мяжу — яны забіваюць на вуліцах сталіцы Украіны ні ў чым невінаватых людзей, зьдзекуюцца з жанчынаў, паляць і падрываюць дамы і аўтамабілі. У цэнтры Кіева пачынаецца хаос. У выпадку, калі ў 18.00 бязладзьдзе ня спыніцца, мы будзем абавязаны навесьці парадак спосабамі, прадугледжанымі законам», — гаворыцца ў заяве сілавікоў.

СБУ і МУС заклікалі лідэраў апазыцыі неадкладна супакоіць пратэстоўцаў, спыніць супрацьстаяньне і вярнуцца за стол перамоваў.

Сутычкі паміж сілавікамі і прысутнымі ў цэнтры Кіева працягваецца. Лекар Вольга Багамолец, якая каардынуе мэдычную дапамогу Эўрамайдану, заяўляе пра трох загінулых і каля 100 параненых.



XS
SM
MD
LG