Лінкі ўнівэрсальнага доступу

Пасьля «Беркута» засталіся гільзы ад баявых патронаў


На вуліцы Грушэўскага ў Кіеве журналісты знайшлі сотні гільзаў ад баявых патронаў.

Падчас прыбіраньня барыкадаў на вуліцы Грушэўскага ў Кіеве 16 сьнежня на месцы дысьлякацыі сілавікоў журналісты выявілі гільзы ад патронаў да стрэльбаў 12-га калібру.

Пра гэта ў выданні Nowa Europa Wschodnia напісаў польскі журналіст Пётар Андрусечка, які падняўся на пагорак і пабываў за былымі ўмацаваньнямі «Беркута».

Там журналісты ўбачылі «сотні, калі ня тысячы» гільзаў ад боепрыпасаў польскай, нямецкай, амэрыканскай і чэскай вытворчасьці да стрэльбаў 12-га калібру.

Усяго выявілі чатыры тыпы патронаў рознага колеру.

Чырвоныя гільзы — ад патронаў вытворчасьці францускай кампаніі Spartan, аранжавыя — чэскай фірмы Sellier & Bellot, белыя — без апазнавальных надпісаў, але журналісты з ЗША вызначылі, што яны амэрыканскай вытворчасьці, а сінія — польскай фірмы FAM Pionki.

«На сайце FAM Pionki сярод мадэляў боепрыпасаў сінія патроны знаходзяцца ў разьдзеле „Спэцыяльныя боепрыпасы — баявыя патроны“, пазначаныя сымбалем LFT — 6.8 (12-ты калібр). У патроне 12 сьвінцовых шрацінак», — піша Андрусечка.

Міністэрства ўнутраных спраў Украіны неаднаразова адмаўляла, што байцы «Беркута» ці ўнутраных войскаў выкарыстоўвалі баявыя патроны.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG