Лінкі ўнівэрсальнага доступу

Ужо сёньня, 16 лютага: Дзень аднаўленьня Літоўскай дзяржавы


Краявід літоўскай сталіцы Вільні

Краявід літоўскай сталіцы Вільні

Падзеі і даты гэтага дня ў Беларусі, сьвеце, гісторыі.

ПАДЗЕІ ДНЯ:

Менск. У міжнародным адукацыйным цэнтры імя Ёганэса Раў пройдзе конкурс «Зьмяняючы архітэктурнае асяродзьдзе», у якім беларускія архітэктары змогуць прапанаваць свае варыянты архітэктуры вядомых будынкаў Менску. Пераможцы атрымаюць магчымасьць распавесьці пра сваю працу і выказаць меркаваньне аб архітэктуры беларускіх гарадоў інфаспонсарам мерапрыемства. Арганізатар конкурсу – праект «Кава і архітэктура» пры падтрымцы кампаніі Samsung.

Канцэрт барда Зьмітра Вайцюшкевіча ў Празе. Клюб «U Lažanských», Smetanovo nábřeží 2. Пачатак у 18:00.

Падарожжа «Слонім – вандроўка з габрэйскім акцэнтам» у межах сэрыі падарожжаў «Літвіны і літвакі», якія раскрываюць ня толькі вядомую гісторыю беларускіх гарадоў і мястэчак, але і малавядомую гісторыю габрэяў у Беларусі. Пачатак у 10:30.

Завяршальны дзень трэцяга міжнароднага паэтычнага фэсту «Вершы на асфальце» памяці Міхася Стральцова. Крэатыўная прастора «ЦЭХ» (пр-т. Незалежнасці, 58, корп. 6).

ТАКСАМА Ў ГЭТЫ ДЗЕНЬ:

1918 – Дзень аднаўленьня Літоўскай дзяржавы.

1999 – у Беларусі пачаўся першы пасьля абвяшчэньня незалежнасьці перапіс насельніцтва.

У гэты дзень нарадзіліся:

1758 – Юльян Урсын Нямцэвіч, пісьменьнік, палітычны дзяяч, гісторык, ад’ютант Тадэвуша Касьцюшкі.

1895 – Францішак Кушаль, беларускі вайсковец, муж паэткі Натальлі Арсеньневай.

1939 – Чэслаў Немэн, польскі музыка і сьпявак.

1925 – Іван Навуменка, беларускі пісьменьнік і літаратуразнаўца.

ЦЫТАТА НА ПАМЯЦЬ:

«Негры былі чорныя, а кашулі на іх былі белыя».

Пачатак навэлы Івана Навуменкі «Негры ў Мінску»

Паказаць камэнтары

XS
SM
MD
LG