Лінкі ўнівэрсальнага доступу

Вярхоўная Рада Ўкраіны спрабуе ўзгадніць парадак дня


Дэпутат Алег Цягнібок

Ва Ўкраіне Вярхоўная Рада спрабуе ўзгадніць парадак дня чацьвёртай сэсіі, на якой дэпутаты павінны абмеркаваць шляхі выйсьця з палітычнага крызісу. Цяпер праходзяць кансультацыі ва фракцыях.

Апазыцыя патрабуе, каб перадусім парлямэнт разгледзеў пытаньне аб галасаваньні па Канстытуцыйным акце, які — паводле сьцьвярджэньня апазыцыянэраў — падпісалі ўжо 226 дэпутатаў. У дакумэнце ідзе гаворка аб магчымасьці аднавіць Канстытуцыю Ўкраіны ў рэдакцыі 2004 году, якая прадугледжвае парлямэнцка-прэзыдэнцкую форму праўленьня .

Акрамя таго, лідэр аб’яднаньня «Свабода» Алег Цягнібок запатрабаваў заслухаць справаздачу генэральнага пракурора Віктара Пшонкі і выканаўцы абавязкаў кіраўніка МУС Віталя Захарчанкі пра расьсьледаваньне выкраданьняў і забойстваў, якія адбыліся ад пачатку масавых акцый пратэсту ў Кіеве.

Прадстаўнікі Партыі рэгіёнаў, са свайго боку, прапануюць загадзя ўзгадніць усе пытаньні, якія будуць выносіцца на галасаваньне.

Сьпікер Уладзімер Рыбак адмовіўся ад прапановы апазыцыі правесьці кансультацыі проста ў прэзыдыюме Вярхоўнай Рады і абвясьціў перапынак .

Напярэдадні ніжняя палата парлямэнту Ўкраіны так і ня здолела ўзгадніць парадак дня.
XS
SM
MD
LG