Лінкі ўнівэрсальнага доступу

Ужо сёньня, 4 лютага: 10 гадоў Фэйсбуку, дзень нараджэньня Касьцюшкі і памяці Куляшова


Падзеі і даты сёньняшняга дня ў Беларусі, сьвеце, гісторыі.


ПАДЗЕІ ДНЯ

Міжнародны дзень барацьбы з ракам.

Менск, прэсавая канфэрэнцыя эколягаў пра праект зьменаў у Лясны кодэкс. На думку экспэртаў, новая рэдакцыя кодэксу ставіць пад пагрозу найбольш каштоўную частку ляснога фонду Беларусі дзеля каньюнктурных эканамічных інтарэсаў. Пачатак у 11.00.

Менск, у кнігарні «логвінаЎ» – абмеркаваньне кнігі Сяргея Верацілы «Разьбітае сэрца Вітаўта». Пачатак у 19.00.

Масква, візыт аднаго зь лідэраў сірыйскай апазыцыі Ахмада Джарба.

ДЗЕНЬ У ГІСТОРЫІ

1789 – Джордж Вашынгтон абраны першым прэзыдэнтам ЗША.

1945 – у Левадыйскім палацы каля Ялты пачала працу канфэрэнцыя кіраўнікоў краінаў антыгітлераўскай кааліцыі.

2003 – у Менску афіцыйна адчыненая амбасада Палестынскай аўтаноміі.

2004 – Запушчаны Facebook.

У гэты дзень нарадзіліся:

1494 – Франсуа Рабле, францускі пісьменьнік.

1515 – Мікалай Радзівіл Чорны, беларускі магнат і асьветнік.

1746 – Тадэвуш Касьцюшка, герой нацыянальна-вызваленчага руху ў Рэчы Паспалітай і ў ЗША.

1808 – Вінцэнт Дунін-Марцінкевіч, беларускі пісьменьнік.

1878 – Дарафей Бохан, беларускі паэт, празаік, публіцыст.

1884 – Павал Харламповіч, беларускі нумізмат, прафэсар археалёгіі.

1929 – Лявон Баразна, беларускі мастак.

1934 – Арсень Ліс, беларускі пісьменьнік.

У гэты дзень памерлі:

1931 – Усевалад Ігнатоўскі, беларускі гісторык.

1950 – Ян Булгак, беларускі і польскі фатограф.

1978 – Аркадзь Куляшоў, народны паэт Беларусі.

ЦЫТАТА ДНЯ

Спакойнага шчасьця
ня зычу нiкому:
Навошта грымотам
маланка бяз грому,
Навошта ручай
безь пякучае смагi,
Халодная ўвага,
не вартая ўвагi,
Жаданьнi, што прагныя
крылы згарнулi,
Зязюля бязь лесу
i лес безь зязюлi?
Аркадзь Куляшоў
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG