Лінкі ўнівэрсальнага доступу

Ужо сёньня, 1 лютага: музыка ў Менску, танцы ў Гомелі


Народныя танцы ў Магілёве, люты 2012

Народныя танцы ў Магілёве, люты 2012

Бліц-агляд падзеяў і тэмаў у Беларусі, сьвеце, гісторыі.

ПАДЗЕІ ДНЯ

Плятформа «Talaka.by» і гурт «ili-ili» праводзяць музычны маратон працягласьцю 12 гадзін, падчас якога выступяць 16 беларускіх гуртоў розных стыляў і кірункаў (J:МОРС, ili-ili, Navi, Naka Piano, Hurma, Нагуаль, Паліна Рэспубліка, Zui, Pukstband, Rahis, BosaeSonca, Pawa, Martin S., SP Kava, ForAboutFrom, Кактэйль Шаляпіна). Месца правядзеньня: крэатыўны цэнтр ЦЭХ (пр. Незалежнасьці, 58, корпус 6). Пачатак: 12.00.

У філіяле Веткаўскага музею ў Гомелі (пл. Леніна, 4; тэрыторыя Гомельскага палацава-паркавага ансамблю, за саборам Пятра і Паўла) адбудзецца майстар-клас беларускіх народных танцаў. Пачатак: 14.30.

Выстава пародзістых сабак і катоў у Палацы спорту ў Менску. Час правядзеньня: 10.00-19.00.

ГЭТЫ ДЗЕНЬ У ГІСТОРЫІ

1717 – прайшоў першы «нямы сойм» Рэчы Паспалітай, калі пад ціскам расейскага цара Пятра I кароль Аўгуст II прыняў маскоўскія патрабаваньні (вывад саксонскіх войскаў, пашырэньне паўнамоцтваў Сойму і Сэнату, абмежаваньне асабістай улады караля) практычна без адзінага слова.

1919 – пачаліся заняткі ў Віленскай беларускай гімназіі.

1994 – уступілі ў сілу Шэнгенскія пагадненьні, якія прадугледжвалі увядзеньне поўнай свабоды перамяшчэньня грамадзян паміж дзяржавамі-удзельнікамі Эўразьвязу.

У гэты дзень нарадзіліся:

1913 – Сяргей Прытыцкі, заходнебеларускі падпольшчык.

1931 – Барыс Ельцын, першы расейскі прэзыдэнт.

У гэты дзень памерлі:

1860 – Восіп Ярашэвіч, беларускі гісторык, этнограф, прафэсар Віленскага ўніверсітэту.

1991 – Станіслаў Шушкевіч, паэт, празаік, вязень савецкіх канцлягераў, бацька першага кіраўніка Рэспублікі Беларусь Станіслава Шушкевіча.

2012 – Віслава Шымборска, польская паэтка, ляўрэатка Нобэлеўскай прэміі.

ЦЫТАТА НА ПАМЯЦЬ:

«Жыцьцё — адзіны спосаб
каб абрастаць лістотай,
аддыхвацца на пяску,
узьлятаць на крылах;

быць сабакам,
або гладзіць яго па цёплай поўсьці;

памяшчацца ў падзеях,
губляцца ў краявідах,
шукаць найменшай паміж памылкамі.

Вылучная нагода,
каб помніць цягам хвіліны,
пра што гаварылася
пры пагашанай лямпе;

і каб прынамсі раз
спатыкнуцца аб камень,
змокнуць пад нейкім дажджом,
згубіць ключы ў траве;

і суправаджаць паглядам іскрынку на ветры;

і ўвесь час нечага важнага
ня ведаць».

Віслава Шымборская, «Занатоўка» (пераклад Хрысьціны Граматовіч)
XS
SM
MD
LG