Кастрычніцкі суд вызначыў непасрэдную сувязь паміж апэрацыяй, якая была зроблена Юліі Кубаравай 26 сакавіка мінулага году, і тым фактам, што праз 4 тыдні дзяўчына памерла. У гэтым, паводле суду, вінаватыя лекар-анэстэзіёляг Аляксандар Шураў, якога суд пакараў 4 гадамі зьняволеньня ў калёніі-пасяленьні, галоўны інжынэр «Экамэдсэрвіса» Вадзім Ліхута, якога пакаралі 3 гадамі калёніі-пасяленьня, і былая гендырэктарка «Экамэдсэрвіса» Галіна Валжанкіна. Ёй суд прызначыў пакараньне, не зьвязанае з пазбаўленьнем волі. Цягам 2 гадоў яна мусіць адзначацца ў міліцыі і не выяжджаць з гораду.
Часткова суд задаволіў грашовыя прэтэнзіі пацярпелых да лекараў і мэдычнага цэнтру «Экамэдсэрвіс». Суд вырашыў, што Але і Юрыю Кубаравым «Экамэдсэрвіс» мусіць сплаціць па 500 мільёнаў рублёў у якасьці маральнай кампэнсацыі і 74 мільёны рублёў матэрыяльных стратаў.
Прысуд уступіць у дзеяньне, калі цягам 10 дзён абвінавачаныя яго не абскардзяць. Адразу пасьля суду пэўна пра намер падаць скаргу заявіў толькі Вадзім Ліхута, а Галіна Валжанкіна і Аляксандар Шураў сказалі, што будуць раіцца з адвакатамі.
Вадзім Ліхута мяркуе, што прысуд, які вынесла судзьдзя Ала Абакунчык, несправядлівы:
«Суд слухаў тое, што хацеў чуць, а ня тое, што казалі сьведкі, пацярпелыя, абвінавачаныя. Людзей перабівалі, не давалі выказацца, усё зводзілі да аднаго. А іншае ўсё было суду нецікава. Праўды ня высьветлілі, што і як адбылося — ніхто сказаць ня можа і цяпер, пасьля вынясеньня прысуду. Мяркую, прысуд несправядлівы і жорсткі».
Карэспандэнт: «А вы як думаеце, з-за чаго здарылася трагедыя? Не было ў апараце кіслароду, як казаў Шураў, ці апарат зламаўся? Але з-за чаго?»
«Магчыма, што апарат зламаўся, але сьмерць чалавека не наступіла з-за паломкі апарату. Апараты ламаюцца ледзьве не на кожнай апэрацыі, гэта тэхніка — яна ня можа не ламацца. І тэхнічнае абслугоўваньне апаратаў ня можа быць гарантыяй іх бесьперапыннай працы. Сьмерць чалавека наступіла з-за непісьменных дзеяньняў лекара, а не з-за таго, што зламалася апаратура».
Пацярпелыя Ала і Юры Кубаравы пасьля суду заявілі, што задаволеныя судовым рашэньнем, у тым ліку пакараньнем для лекара і топ-мэнэджэраў «Экамэдсэрвіса», а таксама памерам грашовай кампэнсацыі, і ня будуць абскарджваць рашэньне.
Паводле Алы Кубаравай, «ніякімі грашыма дзіця ня вернеш». Тое, што заснавальнікі «Экамэдсэрвіса» апынуліся па-за судовай адказнасьцю за сьмерць дачкі, Ала Кубарава лічыць несправядлівым і таму бачыць станоўчае ў тым, што ўласьнікаў мэдычнага цэнтру пакаралі хоць грашыма:
«Хаця б мы можам сказаць пра іх віну і пакараць матэрыяльна, а іншым чынам іх пакараць мы ня можам».
Бацькі памерлай Юліі Кубаравай надалей лічаць, што вінаваты ў сьмерці іхняй дачкі і лекар Віктар Серабро, які непасрэдна рабіў плястычную апэрацыю. Юры Кубараў паведаміў, што пакуль спробы прыцягнуць яго да адказнасьці скончыліся нічым:
«Яшчэ перад судом мы двойчы пра гэта хадайнічалі, але нам сказалі, што няма складу злачынства, недастаткова доказаў. Па-чалавечы мы лічым, што ён як лекар не аказаў патрэбнай дапамогі».
Ала Кубарава: «Хай гэта застанецца на ягоным сумленьні».
Адносна Аляксандра Шурава яна выказала задавальненьне, што цягам 5 гадоў той ня зможа працаваць лекарам.
У суд лекар Аляксандр Шураў зьявіўся пастрыжаны і з торбай рэчаў. «Бо адправяць», — коратка патлумачыў ён, чаму прыйшоў з рэчамі. Аднак пасьля суду Аляксандра Шурава не ўзялі пад варту, як і Вадзіма Ліхуту. Мера стрыманьня для іх застаецца ранейшай — падпіска аб нявыезьдзе. Калі яны не абскардзяць прысуд, то мусяць самі зьявіцца ў міліцыю, каб адбываць пакараньне.
Часткова суд задаволіў грашовыя прэтэнзіі пацярпелых да лекараў і мэдычнага цэнтру «Экамэдсэрвіс». Суд вырашыў, што Але і Юрыю Кубаравым «Экамэдсэрвіс» мусіць сплаціць па 500 мільёнаў рублёў у якасьці маральнай кампэнсацыі і 74 мільёны рублёў матэрыяльных стратаў.
Прысуд уступіць у дзеяньне, калі цягам 10 дзён абвінавачаныя яго не абскардзяць. Адразу пасьля суду пэўна пра намер падаць скаргу заявіў толькі Вадзім Ліхута, а Галіна Валжанкіна і Аляксандар Шураў сказалі, што будуць раіцца з адвакатамі.
Вадзім Ліхута мяркуе, што прысуд, які вынесла судзьдзя Ала Абакунчык, несправядлівы:
«Суд слухаў тое, што хацеў чуць, а ня тое, што казалі сьведкі, пацярпелыя, абвінавачаныя. Людзей перабівалі, не давалі выказацца, усё зводзілі да аднаго. А іншае ўсё было суду нецікава. Праўды ня высьветлілі, што і як адбылося — ніхто сказаць ня можа і цяпер, пасьля вынясеньня прысуду. Мяркую, прысуд несправядлівы і жорсткі».
Карэспандэнт: «А вы як думаеце, з-за чаго здарылася трагедыя? Не было ў апараце кіслароду, як казаў Шураў, ці апарат зламаўся? Але з-за чаго?»
Апараты ламаюцца ледзьве не на кожнай апэрацыі, гэта тэхніка — яна ня можа не ламацца
«Магчыма, што апарат зламаўся, але сьмерць чалавека не наступіла з-за паломкі апарату. Апараты ламаюцца ледзьве не на кожнай апэрацыі, гэта тэхніка — яна ня можа не ламацца. І тэхнічнае абслугоўваньне апаратаў ня можа быць гарантыяй іх бесьперапыннай працы. Сьмерць чалавека наступіла з-за непісьменных дзеяньняў лекара, а не з-за таго, што зламалася апаратура».
Пацярпелыя Ала і Юры Кубаравы пасьля суду заявілі, што задаволеныя судовым рашэньнем, у тым ліку пакараньнем для лекара і топ-мэнэджэраў «Экамэдсэрвіса», а таксама памерам грашовай кампэнсацыі, і ня будуць абскарджваць рашэньне.
Паводле Алы Кубаравай, «ніякімі грашыма дзіця ня вернеш». Тое, што заснавальнікі «Экамэдсэрвіса» апынуліся па-за судовай адказнасьцю за сьмерць дачкі, Ала Кубарава лічыць несправядлівым і таму бачыць станоўчае ў тым, што ўласьнікаў мэдычнага цэнтру пакаралі хоць грашыма:
«Хаця б мы можам сказаць пра іх віну і пакараць матэрыяльна, а іншым чынам іх пакараць мы ня можам».
Бацькі памерлай Юліі Кубаравай надалей лічаць, што вінаваты ў сьмерці іхняй дачкі і лекар Віктар Серабро, які непасрэдна рабіў плястычную апэрацыю. Юры Кубараў паведаміў, што пакуль спробы прыцягнуць яго да адказнасьці скончыліся нічым:
«Яшчэ перад судом мы двойчы пра гэта хадайнічалі, але нам сказалі, што няма складу злачынства, недастаткова доказаў. Па-чалавечы мы лічым, што ён як лекар не аказаў патрэбнай дапамогі».
Ала Кубарава: «Хай гэта застанецца на ягоным сумленьні».
Адносна Аляксандра Шурава яна выказала задавальненьне, што цягам 5 гадоў той ня зможа працаваць лекарам.
У суд лекар Аляксандр Шураў зьявіўся пастрыжаны і з торбай рэчаў. «Бо адправяць», — коратка патлумачыў ён, чаму прыйшоў з рэчамі. Аднак пасьля суду Аляксандра Шурава не ўзялі пад варту, як і Вадзіма Ліхуту. Мера стрыманьня для іх застаецца ранейшай — падпіска аб нявыезьдзе. Калі яны не абскардзяць прысуд, то мусяць самі зьявіцца ў міліцыю, каб адбываць пакараньне.