Лінкі ўнівэрсальнага доступу

Лукашэнка пра Віцебскдрэў: «Трэба саджаць — саджайце»


Аляксандар Лукашэнка

Аляксандар Лукашэнка

«Трэба за кімсьці прасачыць, правесьці апэратыўныя дзеяньні, саджаць у сьледчы ізалятар — саджайце», — заявіў сёньня Аляксандар Лукашэнка на чарговай нарадзе аб мадэрнізацыі дрэваапрацоўчай галіны.

Аляксандар Лукашэнка даручыў Генпракуратуры прааналізаваць шкоду ад зрыву тэрмінаў мадэрнізацыі «Віцебскдрэва». З гэтай нагоды распачалася крымінальная справа.

«Запрасіце генпракурора, даручыце ў межах крымінальнай справы разгледзець усе пытаньні і палічыць страты. Са мной узгадняць ня трэба: трэба за кімсьці прасачыць, правесьці апэратыўныя дзеяньні, саджаць у сьледчы ізалятар — саджайце», — загадаў Лукашэнка на нарадзе аб пэрспэктывах разьвіцьця канцэрну «Беллеспаперапрам».


Раней нешта такое было на «Барысаўдрэве»


8 лістапада Аляксандар Лукашэнка, наведваючы прадпрыемства «Барысаўдрэў», звольніў шэраг чыноўнікаў, якія ня выканалі ягоныя загады, датычныя мадэрнізацыі дрэваапрацоўчай галіны.

У прыватнасьці, былі адпраўленыя ў адстаўку намесьнік кіраўніка прэзыдэнцкай адміністрацыі Андрэй Тур, старшыня Менскага аблвыканкаму Барыс Батура, старшыня канцэрну «Беллеспаперапрам» Аляксандар Пераслаўцаў. Шэраг чыноўнікаў атрымалі вымовы і папярэджаньні, некаторым Лукашэнка прыгразіў крымінальнымі справамі.

Паказаць камэнтары

XS
SM
MD
LG