Лінкі ўнівэрсальнага доступу

Ужо сёньня, 31 студзеня: адкрыцьцё выставы пра «Вянок» Багдановіча


Максім Багдановіч і ягоны «Вянок». Карціна ў музэі паэта ў Горадні

Максім Багдановіч і ягоны «Вянок». Карціна ў музэі паэта ў Горадні

Гэты дзень у Беларусі, сьвеце, гісторыі.

ПАДЗЕІ ДНЯ:

Менск – у Кастрычніцкім судзе Менску будзе абвешчаны прысуд у справе аб сьмерці пацыенткі «Экамэдсэрвісу» Юліі Кубаравай.

Менск – у канфэрэнц-залі гатэлю «Менск» круглы стол на тэму «Беларускія левыя. Пэрыяд палітычных кампаніяў 2014-2015 гадоў».

Менск – у літаратурным музэі Максіма Багдановіча адкрыцьцё выставы, прысьвечанай 100-м угодкам выхаду зборніка вершаў Максіма Багдановіча «Вянок».

У Кітаі – новы 2014 год паводле кітайскага календара.

ГЭТЫ ДЗЕНЬ У ГІСТОРЫІ:

1865 – Дзьмітры Мендзялееў абараніў доктарскую дысэртацыю «Аб спалучэньні сьпірту з вадой». Гадавіну гэтага здарэньня расейцы шануюць як неафіцыйны «Дзень нараджэньня расейскай гарэлкі».

1918 – утвораны Беларускі нацыянальны камісарыят на чале з Аляксандрам Чарвяковым. Белнацкам – у процівагу ўраду БНР – вёў агітацыйную, культурна-асьветніцкую, выдавецкую працу, прапагандуючы ідэю стварэньня беларускай савецкай дзяржавы. Ажыцьцяўляў масавую агітацыю і прапаганду ідэй савецкай улады.

1957 – у Менску заснаваны Дзяржаўны музэй Беларусі (зараз Нацыянальны музэй гісторыі і культуры Беларусі).

У гэты дзень нарадзіліся:

1892 – беларускі паэт Алесь Гурло.

1924 – Тэнгіз Абуладзэ, грузінскі кінарэжысэр.

1929 – беларускі гісторык Анатоль Грыцкевіч.

1935 – Кэндзабура Оэ, японскі пісьменьнік, ляўрэат Нобэлеўскай прэміі.

1975 – беларускі пісьменьнік Альгерд Бахарэвіч.

У гэты дзень памерлі:

1930 – Бэнэдыкт Дыбоўскі, заоляг, прыродазнаўца, лекар, публіцыст, удзельнік паўстаньня 1863–1864 гадоў.

2005 – Кастусь Рамановіч, удзельнік падпольнага Саюзу Вызваленьня Беларусі ў Наваградку, вязень савецкіх канцлягераў.

2013 – Мікалай Амельяновіч, беларускі дзяржаўны дзяяч, 1-ы старшыня праўленьня Нацыянальнага банку Рэспублікі Беларусь.

ЦЫТАТА НА ПАМЯЦЬ:

У гутарках-казках аб шчасьці, аб згодзе
Сэрца навін не пачуе.
Сьціснула гора дыханьне ў народзе,
Гора усюды пануе.
Хваляй шырокай разьлілась, як мора,
Родны наш край затапіла...
Брацьця! Ці зможам грамадзкае гора?!
Брацьця! Ці хваце нам сілы?!

Максім Багдановіч, са зборніка «Вянок»
XS
SM
MD
LG