Лінкі ўнівэрсальнага доступу

Ужо сёньня, 29 студзеня: 130 гадоў з дня нараджэньня Антона Луцкевіча, перамовы ў Кіеве і «Сымон-Музыка» ў Гомелі


Антон Луцкевіч

Антон Луцкевіч

Падзеі і даты сёньняшняга дня ў Беларусі, сьвеце, гісторыі.

ПАДЗЕІ ДНЯ

Пачынаецца візыт у Беларусь дэлегацыі Яраслаўскай вобласьці Расеі на чале з губэрнатарам Сяргеем Ястрабавым.

У Нацыянальным прэсавым цэнтры – канфэрэнцыя «100 дзён да чэмпіянату сьвету па хакеі», удзельнічаюць прадстаўнікі нацыянальнай Фэдэрацыі хакею, Менгарвыканкаму і Нацыянальнага агенцтва турызму. Пачатак у 12.00.

Кіеў, кіраўніца зьнешняй палітыкі Эўразьвязу Кэтрын Эштан правядзе перамовы з ўкраінскім кіраўніцтвам і лідэрамі апазыцыі.

Спэктакаль паводле паэмы Якуба Коласа «Сымон-Музыка» пачнецца ў Гомельскім абласным тэатры а 16:00.

ДЗЕНЬ У ГІСТОРЫІ

1864 – у Вільні арыштаваны Кастусь Каліноўскі.

1886 – Карл Бэнц запатэнтаваў аўтамабіль з рухавіком унутранага згараньня.

1919 – кангрэс ЗША прыняў 18-ю папраўку да канстытуцыі, якая забараняе вытворчасьць, перавозку і продаж сьпіртовых напояў. У краіне быў уведзены «сухі закон», які праіснаваў да 1933 году.

1922 – у Менску створаны Інстытут беларускай культуры, які пазьней рэарганізуюць у Акадэмію Навук.

У гэты дзень нарадзіліся:

1860 – Антон Чэхаў, расейскі пісьменьнік.

1866 – Рамэн Ралян, францускі празаік.

1878 – Уладзімер Самойла, дзяяч беларускага адраджэньня.

1884 – Антон Луцкевіч, адзін з ідэолягаў беларускага адраджэньня.

1956 – Сяргей Бароўскі, футбаліст менскага «Дынама».

У гэты дзень памерлі:

1829 – Яўхім Юзэф Грабоўскі, рымска-каталіцкі дзяяч, біскуп, генэральны вікарый Магілёўскае архідыяцэзіі.

1969 – Ален Далес, амэрыканскі дзяржаўны дзеяч, адзін з заснавальнікаў і пяты дырэктар ЦРУ.

ЦЫТАТА ДНЯ

Спадзеючыся на лепшае заўтра, нельга сядзець злажыўшы рукі сягоньня.
Антон Луцкевіч
XS
SM
MD
LG