Лінкі ўнівэрсальнага доступу

logo-print

Украінская апазыцыя парабуе адстаўкі ўсяго ўраду


Арсеній Яцанюк

Арсеній Яцанюк

Лідэры апазыцыйных фракцый у Вярхоўнай Радзе стрымана камэнтуюць навіну пра заяву прэм’ера Міколы Азарава аб адстаўцы.

Лідэр Партыі Свабода Алег Цягнібок заявіў у эфіры 5 каналу:

«Мы ставім пытаньне пра адстаўку ўсяго ўраду і прыцягненьне да адказнасьці асобных сябраў ураду. Яны цяпер шукаюць максымальна спрыяльнай сытуацыі, каб пазьбегнуць адказнасьці».

Лідэр фракцыі «Бацькаўшчыны» Арсеній Яцанюк выказаўся вельмі каротка:

«Мы чакаем указа прэзыдэнта. Да таго не абмяркоўваем».

Дэпутатка ад «Удару» пісьменьніца Марыя Маціос прыйшла ў Вярхоўную Раду ў бронекамізэльцы, паводле яе словаў, на знак пратэсту супраць таго, што цяпер «усе ўкраінцы пастаўленыя пад дулы аўтаматаў».

Міністар юстыцыі Алена Лукаш заявіла тым часам, што пытаньне аб увядзеньні надзвычайнага становішча не разглядаецца.
XS
SM
MD
LG