Лінкі ўнівэрсальнага доступу

Як прайшла мінулая ноч у Кіеве і што чакаецца днём.

Віцэ-прэзідэнт ЗША Джо Байдэн запатрабаваў ад Віктара Януковіча адмовіцца ад увядзеньня рэжыму надзвычайнага становішча ў краіне і вывесьці спэцназ з вуліц Кіева.

Тым часам супрацоўнікі ўнутраных войскаў спрабавалі затрымаць людзей, якія проста ішлі па вуліцы ў касках.

Штаб нацыянальнага супраціву заклікаў кіяўлян выйсьці на Майдан 28 студзеня а 12-й гадзіне.

Радыкальнае аб’яднаньне «Правы сэктар» будзе згортваць актыўную дзейнасьць, калі ўлада пойдзе на кампраміс з апазыцыяй.

Юлія Цімашэнка, колішняя кіраўніца ўраду Ўкраіны, якая цяпер знаходзіцца ў зьняволеньні, заявіла: «Апазыцыя павінна адрынуць прапанаваныя уладай ўмовы».

Пазьней стала вядома, што адзін зь лідэраў апазыцыі Арсен Яцанюк адмовіўся ад прапанаванага Януковічам прэм’ерства.

Прапанову Віктара Януковіча таксама адрынуў і лідэр партыі «Ўдар» Віталь Клічко, які заявіў: «Я ня бачу сябе ва ўрадзе Януковіча».

Чэская праваабарончая арганізацыя «Чалавек у нядолі» перадасьць 20 тысяч эўра ахвярам гвалту ў Кіеве.

Падзеі 28 студзеня:


Надзвычайнае паседжаньне Вярхоўнай Рады Ўкраіны

Кіраўніца зьнешняй палітыцы Эўразьвязу Кэтрын Эштан наведае Кіеў. Яе прыезд чакаецца ўвечары.

Пад Гомелем пахаваюць забітага на кіеўскіх барыкадах Міхаіла Жызьнеўскага.

Паказаць камэнтары

XS
SM
MD
LG