Лінкі ўнівэрсальнага доступу

Армія ня пойдзе супраць мітынгоўцаў — міністар абароны Ўкраіны


Узброеныя сілы Ўкраіны ня ўмешваюцца ў канфліктную сытуацыю ў краіне. Пра гэта ў інтэрвію ІТАР-ТАСС заявіў міністар абароны краіны Павел Лебедзеў.

Па словах міністра абароны, «армія будзе строга кіравацца Канстытуцыяй і законам Украіны, якія выразна прапісваюць яе ролю, функцыі і задачы, у тым ліку і па прыцягненьні Ўзброеных сіл».

Прапановы некаторых палітыкаў ўмяшацца арміі ў рашэньне канфлікту Лебедзеў назваў правакацыяй.

У інтэрвію Радыё Свабода былы міністр абароны Анатоль Грыцэнка заявіў, што грамадзяне з афіцыйна зарэгістраванай зброяй маюць права на самаабарону ў небясьпечных умовах.

«Усе, хто мае легальную зброю, я лічу, перш за ўсё нардэпы, афіцэры і генэралы запасу, вэтэраны сілавых структураў, спэцназу, Аўганістану, міратворчых, іншых канфліктных місіяў павінны быць у выпадку небясьпекі ў першым шэрагу і прымяняць зброю па тых бандытах, якія зьнішчаюць людзей», — сказаў Грыцэнка
XS
SM
MD
LG