Лінкі ўнівэрсальнага доступу

logo-print

Мікалаю Аўтуховічу дазволілі атрымаць мэдычную бандэроль ад маці


Мікалай Аўтуховіч

Мікалай Аўтуховіч

Нарэшце атрымаў мэдычную бандэроль палітвязень Мікалай Аўтуховіч. Гаворка пра лекі, якія маці палітвязьня Лідзія Юльянаўна Аўтуховіч адправіла яшчэ летась у сьнежні, але зь невядомых прычын бандэроль доўга атрымаць не дазвалялі.

Навіну Свабодзе паведаміла грамадзкая актывістка Інэса Яхліель, якая рэгулярна лістуецца з Аўтуховічам:

«Таксама лісты і паштоўкі з навагоднімі віншаваньнямі яму аддалі. Праўда, толькі 3-4 студзеня. А таксама аддалі пустыя паштоўкі да канвэрты, якія маці дасылала, каб мог адказваць людзям. Вельмі перажываў, што ня зможа адказаць. Паводле ягонага апошняга ліста ў мяне ўражаньне, што больш-меньш зь ім добра».

Мікалай Аўтуховіч мусіць выйсьці на волю ў пачатку красавіка. «Лічыць дні да вызваленьня, засталося крыху больш за 60 дзён», — кажа Інэса Яхліель.

Прадпрымальнік з Ваўкавыску Мікалай Аўтуховіч адбывае 5 гадоў і 2 месяцы зьняволеньня за захоўваньне некалькіх патронаў. Трымаюць палітвязьня ў гарадзенскай турме як злоснага парушальніка рэжыму. Праваабаронцы і апазыцыя мяркуюць, што Мікалая Аўтуховіча пакаралі за барацьбу зь мясцовымі карупцыянэрамі.
XS
SM
MD
LG