Лінкі ўнівэрсальнага доступу

Ужо сёньня, 27 студзеня: Дзень ахвяраў Галакосту, нараджэньня Моцарта і памяці Сэлінджэра


Заняткі праекту «Мова ці кава»

Заняткі праекту «Мова ці кава»

Падзеі і даты гэтага дня ў Беларусі, сьвеце, гісторыі.

ПАДЗЕІ ДНЯ

У Менску адновіцца суд у справе лекараў Экамэдсэрвісу, якіх абвінавачваюць у сьмерці пацыенткі.

Паралельна адбудуцца заняткі праектаў «Мова ці кава» (крэатыўная прастора ЦЭХ, тэма «Мова і інтэрнэт») і «Мова нанова» (галерэя «Ў»). Пачатак а 19-й.

У Страсбуры адкрыецца зімовая сэсія ПАРЭ, дзе ў пазачарговым парадку адбудуцца дэбаты на тэму «Функцыянаваньне дэмакратычных інстытутаў ва Ўкраіне».

ГЭТЫ ДЗЕНЬ У ГІСТОРЫІ

Міжнародны дзень памяці ахвяраў Галакосту.

1527 – перамога войска ВКЛ на чале з Канстанцінам Астроскім над войскам крымскіх татараў на рацэ Гальшанцы

1880 – Томас Эдысан патэнтуе электрычную лямпачку.

1913 – адбылася першая пастаноўка знакамітай камэдыі Янкі Купалы «Паўлінка».

1945 – вызваленьне Асьвенцыму савецкімі войскамі.

У гэты дзень нарадзіліся:

1756 – Вольфганг Амадэй Моцарт, аўстрыйскі кампазытар.

1826 – Міхаіл Салтыкоў-Шчадрын, расейскі пісьменьнік.

1904 – Іван Чымбург, беларускі філёзаф, кандыдат філязофскіх навук, рэктар БДУ.

1935 – Зіновій Бабій, беларускі опэрны сьпявак.

У гэты дзень памерлі:

1901 – Джузэпэ Вэрдзі, італьянскі кампазытар.

1927 – Юры Матулевіч, рымска-каталіцкі дзеяч Беларусі, Летувы й Польшчы.

1983 – Луі дэ Фюнэс, францускі акцёр.

2004 – Ніна Абрамчык, беларуская грамадзка-палітычная дзяячка, пісьменьніца.

2010 – Джэром Дэвід Сэлінджэр, амэрыканскі пісьменьнік.

ЦЫТАТА НА ПАМЯЦЬ:

Прыкмета нясталасьці чалавека – тое, што ён хоча памерці за сьвятую справу, прыкмета сталасьці – тое, што ён хоча дзеля гэтай справы жыць.

Джэром Дэвід Сэлінджэр
XS
SM
MD
LG