Такое рашэньне прыняў судзьдзя Гучок.
«На суд прыйшло 10 чалавек. Я хадайнічала, каб была вялікая заля, каб усе ўмясьціліся. А ён упёрся, што будзе разглядаць справу ў сваім кабінэце. Тады я яму прыгразіла, што будзем пісаць скаргу, бо адкрыты характар разгляду справы ніхто не адмяняў. Я яму нават прапанавала, каб прынесьлі дадатковыя крэслы. Выйшла ў калідор, вяртаюся, а на тых вольных крэслах, што ўжо былі ў кабінэце, ляжаць тэчкі з дакумэнтамі. Я ўжо тады зразумела, як будзе разглядацца справа», — падзялілася сваімі ўражаньнямі з Радыё Свабода Зінаіда Цімошак.
Цімошак кажа, што пасьля сёньняшняга рашэньня сплаціць штраф. Аднак яна кажа, што будзе дамагацца справядлівасьці ў Вярхоўным судзе і «нават у Камітэце па правах чалавека ААН».
Раней Слуцкі суд прызнаў прагляд фільму і лекцыю на тэму Слуцкага збройнага чыну несанкцыянаванай акцыяй і аштрафаваў Цімошак на 2,6 мільёна рублёў.
Вечарам 23 лістапада міліцыянты ўварваліся ў Дом культуры вёскі Казловічы. Кіраўнік міліцыянтаў Дзьмітры Шклярэўскі патлумачыў тады, што ў арганізатаркі імпрэзы «няма санкцыі на сустрэчу». Міліцыянты дапыталі ўсіх удзельнікаў імпрэзы, а на Цімошак склалі пратакол паводле адміністрацыйнага артыкула «Парушэньне парадку арганізацыі правядзеньня сходаў».
Цімошак і раней казала, што гатовая сплаціць 2,6 мільёна рублёў штрафу, бо «я ня самая бедная, магу зарабіць гэтыя грошы... я магу летам ягады зьбіраць. За 4–5 дзён зараблю гэтую суму».
Зінаіда Цімошак, якая зьбіраецца балятавацца на мясцовых выбарах, прызнае, што эпапэя з разгонам кіналекторыю ў Казловічах дадала ёй папулярнасьці: «На рынку ўжо гандляры пазнаюць, прапануюць за так яблыкі і мёд».
«На суд прыйшло 10 чалавек. Я хадайнічала, каб была вялікая заля, каб усе ўмясьціліся. А ён упёрся, што будзе разглядаць справу ў сваім кабінэце. Тады я яму прыгразіла, што будзем пісаць скаргу, бо адкрыты характар разгляду справы ніхто не адмяняў. Я яму нават прапанавала, каб прынесьлі дадатковыя крэслы. Выйшла ў калідор, вяртаюся, а на тых вольных крэслах, што ўжо былі ў кабінэце, ляжаць тэчкі з дакумэнтамі. Я ўжо тады зразумела, як будзе разглядацца справа», — падзялілася сваімі ўражаньнямі з Радыё Свабода Зінаіда Цімошак.
Цімошак кажа, што пасьля сёньняшняга рашэньня сплаціць штраф. Аднак яна кажа, што будзе дамагацца справядлівасьці ў Вярхоўным судзе і «нават у Камітэце па правах чалавека ААН».
Раней Слуцкі суд прызнаў прагляд фільму і лекцыю на тэму Слуцкага збройнага чыну несанкцыянаванай акцыяй і аштрафаваў Цімошак на 2,6 мільёна рублёў.
Вечарам 23 лістапада міліцыянты ўварваліся ў Дом культуры вёскі Казловічы. Кіраўнік міліцыянтаў Дзьмітры Шклярэўскі патлумачыў тады, што ў арганізатаркі імпрэзы «няма санкцыі на сустрэчу». Міліцыянты дапыталі ўсіх удзельнікаў імпрэзы, а на Цімошак склалі пратакол паводле адміністрацыйнага артыкула «Парушэньне парадку арганізацыі правядзеньня сходаў».
Цімошак і раней казала, што гатовая сплаціць 2,6 мільёна рублёў штрафу, бо «я ня самая бедная, магу зарабіць гэтыя грошы... я магу летам ягады зьбіраць. За 4–5 дзён зараблю гэтую суму».
Зінаіда Цімошак, якая зьбіраецца балятавацца на мясцовых выбарах, прызнае, што эпапэя з разгонам кіналекторыю ў Казловічах дадала ёй папулярнасьці: «На рынку ўжо гандляры пазнаюць, прапануюць за так яблыкі і мёд».
