Лінкі ўнівэрсальнага доступу

Журы Амэрыканскай кінаакадэміі абвясьціла ў чацьвер сьпіс прэтэндэнтаў на самую прэстыжную кінапрэмію.

Лідэрамі ў ліку намінацый сталі два фільмы – «Гравітацыя» (Gravity) Альфонса Куарона і «Афэра па-амэрыканску» (American Hustle) Дэвіда Оўэна Расэла. Абедзьве стужкі намінаваныя ў дзесяці катэгорыях. Трэцяй па ліку намінацый стала гістарычная драма «12 гадоў рабства» (12 Years a Slave), якая прэтэндуе на ўзнагароды ў дзевяці катэгорыях. Усе тры стужкі і сем іншых будуць змагацца за званьне найлепшага фільма.

Сярод прэтэндэнтаў на званьне найлепшага актора – Крысьціян Бэйл (за ролю ў фільме «Афэра па-амэрыканску») і Леанарда ды Капрыа, які зьняўся ў карціне «Воўк з Уол-стрыт». Сярод тых, каго могуць назваць найлепшай актрысай, Сандра Булак, якая зьнялася ў «Гравітацыі», Кейт Бланшэт, якая сыграла ў фільме «Жасмін», Мэрыл Стрып.

На намінацыю «найлепшы рэжысэр» вылучаныя Стыў Маккуін,
Альфонс Кураон, Дэвід О.Расэл, Марцін Скарсэзэ і Аляксандар Пэйн.

86-я цырымонія ўручэньня прэміі пройдзе 2-га сакавіка ў Лёс-Анджэлесе.
XS
SM
MD
LG