Лінкі ўнівэрсальнага доступу

Герой Савецкага Саюзу стаў паслом Чэхіі ў Маскве


Уладзімер Рэмэк

Уладзімер Рэмэк

Уладзімер Рэмэк, першы і апошні чэхаславацкі касманаўт, сёньня перадаў даверчыя граматы Ўладзімеру Пуціну.

Рэмэк, які за свой палёт стаў Героем Савецкага Саюзу, мае багатыя кантакты ў Расеі. Раней ён працаваў у пасольстве ў якасьці эканамічнага дарадцы. Месца чэскага пасла ў Расеі заставалася вакантным больш за год. Прага прыклала намаганьні, каб пасол там зьявіўся прынамсі да пачатку Алімпійскіх гульняў у Сочы.

Адметна і тое, што дата афіцыяльнага прыёму пасла супала з 45-й гадавінай самаспаленьня чэскага студэнта Яна Палаха. 16 студзеня 1969 году ён падпаліў сябе на Вацлаўскай плошчы на знак пратэсту супраць савецкай акупацыі, зь якой зьмірыліся яго суайчыньнікі.
XS
SM
MD
LG