Лінкі ўнівэрсальнага доступу

logo-print

У Індэксе эканамічнай свабоды Беларусь 150-я


Сёлета амэрыканскі Фонд спадчыны (The Heritage Foundation) і амэрыканскі часопіс для дзелавых колаў The Wall Street Journal апублікавалі чарговы Індэкс эканамічнай свабоды ў сьвеце за мінулы год.

Паводле дасьледаваньня Беларусь застаецца ў катэгорыі краінаў, дзе эканамічная свабоды прыгнятаецца. Аднак у параўнаньні з пазамінулым годам ацэнка палепшылася, у леташнім Індэксе краіна займала 154-е месца са 177-мі
(чым большая лічба – тым ніжэйшы ўзровень эканамічнай свабоды ў краіне).

Дасьледчыкі адзначаюць, што ў цэлым у сьвеце назіраўся рост эканамічнай свабоды, сумарны паказьнік быў самым высокім за 20 гадоў назіраньняў, у 2013 годзе ступень эканамічнай свабоды павялічылася ў 114 краінах і паменшылася ў 59.

Кожная краіна ацэньваецца паводле 10 парамэтраў: права ўласнасьці, свабода ад карупцыі, фіскальная свабода, дзяржаўныя выдаткі, свабода бізнэсу, свабода працы, манэтарная свабода, свабода гандлю, свабода інвэстыцый і фінансавая свабода.

1-е і 2-е месца ў рэйтынгу займаюць Ганконг і Сынгапур. З постсавецкіх краін найлепшы паказьнік – у Эстоніі, яна займае ў індэксе 11 месца, апярэджваючы ЗША (12 месца). Паводле індэксу самыя несвабодныя ў эканамічным сэнсе краіны ў сьвеце – Вэнэсуэла, Зімбабвэ, Куба і Паўночная Карэя.

У наступнай табліцы прадстаўленая дынаміка месцаў у Індэксе эканамічнай свабоды Беларусі і яе суседзяў за апошнія 3 гады.

2011 2012 2013
Беларусь 155 154 150
Літва 24 22 21
Латвія 56 55 42
Польшча 68 57 50
Расея 143 139 140
Украіна 164 161 155

XS
SM
MD
LG