Лінкі ўнівэрсальнага доступу

За збор подпісаў супраць аўтападатку Лябедзьку пакаралі вялікім штрафам

14 студзеня Савецкі суд Менску разглядаў адміністрацыйную справу супраць старшыні Аб’яднанай грамадзянскай партыі Анатоля Лябедзькі за парушэньне парадку правядзеньня масавых акцый. Яго пакаралі штрафам 5 млн 850 тыс.


Анатоль Лябедзька падчас суду

Анатоль Лябедзька падчас суду

Коратка

5 студзеня палітык праводзіў у Менску збор подпісаў за адстаўку ўрада і адмену аўтапошліны.

Пратакол быў складзены 12 студзеня. Раніцай гэтага дня Лябедзька быў затрыманы, калі выйшаў з дому ў гараж, каб зноў паехаць на збор подпісаў супраць аўтападатку. У міліцыі не давалі ніякай інфармацыі пра месцазнаходжаньне палітыка. Пазьней Лябедзька распавёў, што супрацоўнікі міліцыі завезьлі яго спачатку ў Курапаты, потым да крэматорыя, а потым прывезьлі дадому. Ён заявіў, што пры затрыманьні яго білі па нырках.

15:24 14.1.2014
Алег Грузьдзіловіч
Анатоль Лябедзька гэтак пракамэнтаваў пастанову судзьдзі:

«Праблема не ў прысудзе, а ў тым, што няма незалежнага суду. Гэта жахліва, бо гэты молах і далей будзе ламаць лёсы, выносіць незаконныя прысуды. Калі ўсё відавочна, усё за цябе, а ты ўсё роўна будзеш вінаваты. Таму і трэба змагацца, каб вярнуць хоць нешта падобнае да суду. Бо такі стан правасудзьдзя — нацыянальная трагедыя, вось мая галоўная выснова. Сёньня тут хапала матэрыялу для тых, хто піша для цырку, хто піша раманы, але з пункту гледжаньня простага чалавека, грамадзяніна, тое, што тут адбывалася, — гэта катастрофа, жах».



14:27 14.1.2014
Лябедзьку пакаралі штрафам — 45 базавых (адна базавая — 130 тыс). Агулам — 5 млн 850 тыс
13:26 14.1.2014
Абвешчаны перапынак да 14 гадзіны, пасьля чаго чакаецца рашэньне суду.

13:00 14.1.2014
Алег Грузьдзіловіч
Працэс аднавіўся. судзьдзя пытаецца ў Лябедзькі. ці ёсьць ў яго дапаўненьні? Не.

Загрузіць яшчэ

Паказаць камэнтары

XS
SM
MD
LG