Лінкі ўнівэрсальнага доступу

Ужо сёньня, 14 студзеня: Вечарына памяці Вацлава Гаўла, дзень стварэньня Канфэдэрацыі беларускіх суполак (66 арганізацыяў)


Скульптурныя партрэты Вацлава Гаўла

Скульптурныя партрэты Вацлава Гаўла

Падзеі і даты сёньняшняга дня ў Беларусі, сьвеце, гісторыі.

ПАДЗЕІ ДНЯ

У Нацыянальным прэсавым цэнтры – канфэрэнцыя «Эпідэміялягічная сытуацыя ў Рэспубліцы Беларусь». Пачатак у 11.00.

У менскай Галерэі «Ў» Рух «За Свабоду», Беларуская асацыяцыя журналістаў, Праваабарончы цэнтар «Вясна», Беларускі Хэльсынскі камітэт і Камітэт «Салідарнасьць» ладзяць вечарыну памяці прэзыдэнта Чэхіі Вацлава Гаўла. Пачатак у 18.00.

Інстытут Гётэ сумесна зь беларускім Цэнтрам эўрапейскіх дасьледаваньняў і інтэрнэт-часопісам «Новая Эўропа» запрашае на публічную дыскусію «Спадчына Ганны Арэнт сёньня». Пачатак у 19.00.

ДЗЕНЬ У ГІСТОРЫІ

1582 – падпісаньне Ям-Запольскае (недалёка ад Пскова) мірнае дамовы паміж Рэччу Паспалітай і Маскоўскім Царствам.

1873 – распачаўся рух цягнікоў на лініі Менск – Вялейка.

1927 – паліцыя Польшчы арыштавала лідэраў Беларускае Сялянска-Работніцкае Грамады (мела 100 тысяч сяброў), у тым ліку Браніслава Тарашкевіча.

1989 – у Вільні на II Вальным сойме беларускіх суполак заснаваная Канфэдэрацыя беларускіх моладзевых суполак (66 арганізацыяў).

1991 – у гадзіну ночы атрад спэцназу і група «Альфа» ўзялі штурмам тэлевежу ў Вільні. Насельніцтва аказала масавы супраціў захопу, падчас апэрацыі загінула 14 чалавек.

У гэты дзень нарадзіліся:

1893 – Канстанцыя Буйла, беларуская паэтка.

1916 – Уладзіслаў Чарняўскі, беларускі сьвятар.

1920 – Мікола Аўрамчык, беларускі паэт.

1926 – Янка Філістовіч, удзельнік антысавецкага падпольнага руху.

1938 – Аляксандар Дубко, старшыня Гарадзенскага аблвыканкаму, Герой Беларусі.

1939 – Васіль Пятровіч Шаранговіч, народны мастак Беларусі, творца ў галіне кніжнай і станкавай графікі.

1942 – Вера Вярба, беларуская паэтка.

1980 – Андрэй Курэйчык, беларускі і расейскі сцэнарыст, актор.

У гэты дзень памерлі:

1898 – Льюіс Кэрал, брытанскі пісьменьнік і матэматык, аўтар «Алісы ў Краіне цудаў» і «Алісы ў Залюстроўі».

1947 – Вацлаў Міхневіч, беларускі і літоўскі архітэктар, прадстаўнік нэаготыкі.

2005 – Браніслаў Плотнікаў, беларускі мовазнавец.

ЦЫТАТА ДНЯ

Не разумею, як ён можа калі-небудзь скончыць, раз ён і не зьбіраецца пачынаць.
Люіс Кэрал

Паказаць камэнтары

XS
SM
MD
LG