У Кіеве ўдзельнікі Народнага веча на майдане Незалежнасьці заклікалі ЗША і Эўразьвяз увесьці санкцыі ў дачыненьні да міністра ўнутраных справаў Украіны Віталя Захарчанкі і іншых прадстаўнікоў украінскай улады.
Лідэр фракцыі «Бацькаўшчына» Арсень Яцанюк паведаміў, што 15 студзеня адбудзецца пасяджэньне Камітэту па міжнародных справах Сэнату ЗША, на якім будзе абмяркоўвацца сытуацыя на Ўкраіне.
Сёньня ж блізу рэзыдэнцыі прэзыдэнта Украіны Віктара Януковіча ў Межыгор’і праходзіў мітынг. Як паведамляе агенцтва УНІАН, там сабраліся каля 200 аўтамабілістаў — удзельнікаў «аўтамайдану». Таксама ў бок Межыгор’я пешшу ідзе вялікая колькасьць людзей.
Адзначаецца, што за 300 мэтраў да рэзыдэнцыі шлях людзям перакрылі міліцэйскія аўтобусы і кардоны міліцыі. З узмацняльніка заклікаюць людзей разысьціся, у адваротным выпадку міліцыянты абяцаюць прыцягнуць да адказнасьці арганізатараў і ўдзельнікаў акцыі.
Мітынгі ў Кіеве і іншых гарадах Украіны пачаліся пасьля таго, як урад напрыканцы лістапада прыняў рашэньне прыпыніць падрыхтоўку да падпісаньня пагадненьня аб асацыяцыі з Эўразьвязам.
Лідэр фракцыі «Бацькаўшчына» Арсень Яцанюк паведаміў, што 15 студзеня адбудзецца пасяджэньне Камітэту па міжнародных справах Сэнату ЗША, на якім будзе абмяркоўвацца сытуацыя на Ўкраіне.
Сёньня ж блізу рэзыдэнцыі прэзыдэнта Украіны Віктара Януковіча ў Межыгор’і праходзіў мітынг. Як паведамляе агенцтва УНІАН, там сабраліся каля 200 аўтамабілістаў — удзельнікаў «аўтамайдану». Таксама ў бок Межыгор’я пешшу ідзе вялікая колькасьць людзей.
Адзначаецца, што за 300 мэтраў да рэзыдэнцыі шлях людзям перакрылі міліцэйскія аўтобусы і кардоны міліцыі. З узмацняльніка заклікаюць людзей разысьціся, у адваротным выпадку міліцыянты абяцаюць прыцягнуць да адказнасьці арганізатараў і ўдзельнікаў акцыі.
Мітынгі ў Кіеве і іншых гарадах Украіны пачаліся пасьля таго, як урад напрыканцы лістапада прыняў рашэньне прыпыніць падрыхтоўку да падпісаньня пагадненьня аб асацыяцыі з Эўразьвязам.
