Лінкі ўнівэрсальнага доступу

Судзяць лекараў «Экамэдсэрвіса». Жывы рэпартаж

10 студзеня ў судзе Кастрычніцкага раёну Менску працягваўся разгляд «справы Экамэдсэрвіса». Абвінавачаныя: былая гендырэктарка мэдычнага цэнтру «Экамэдсэрвіс» Галіна Валжанкіна, анэстэзіёляг Аляксандар Шураў, галоўны інжынэр Вадзім Ліхута. Іх абвінавачваюць у службовай нядбайнасьці, якая прывяла да сьмерці пацыенткі Юліі Кубаравай. Судзьдзя — Ала Абакунчык. Пракурор — Мікалай Жэчка.


Анэстэзіёляг Аляксандар Шураў, галоўны інжынэр Вадзім Ліхута і гендырэктарка «Экамэдсэрвіса» Галіна Валжанкіна на судзе

Анэстэзіёляг Аляксандар Шураў, галоўны інжынэр Вадзім Ліхута і гендырэктарка «Экамэдсэрвіса» Галіна Валжанкіна на судзе

Коратка

У залі суду прысутнічаюць Юры і Ала Кубаравы — бацькі памерлай Юліі Кубаравай. Яны патрабуюць грашовай кампэнсацыі маральных і матэрыяльных стратаў.

9 студзеня суд прызнаў Алу Кубараву грамадзянскім пазоўнікам па справе.

Пацярпелы Юры Кубараў заявіў, што гэты працэс для яго — кшталту Нюрнбэрскага працэсу. Ён абвінавачвае мэдыкаў і кіраўнікоў «Экамэдсэрвіса» ў бесчалавечнасьці.

27 сакавіка 2013 году пасьля плястычнай апэрацыі жыхарка Горадні Юлія Кубарава не ачуняла і памерла праз 4 тыдні ў 4-м сталічным шпіталі. Паводле сьледзтва, у часе апэрацыі дрэнна працаваў апарат штучнай вэнтыляцыі лёгкіх.
18:32 10.1.2014
Алег Грузьдзіловіч
У судзе абвешчаны перапынак да панядзелка, 13 студзеня. Працэс адновіцца а 10:00.
17:28 10.1.2014
Юры Кубараў спытаўся ў Шурава, ці памятае той, як ён з жонкай Алай былі ў прыёмнай і прасіліся, каб іх прапусьцілі да дачкі. Шураў адказаў, што дакладна ня памятае. Пры гэтым раней ён прызнаў, што запаўняў наркозную карту апэрацыі пазьней, па-памяці.
17:12 10.1.2014
Суд працягвае допыты Шурава. У прыватнасьці высьвятляецца, ці знаёмы ён з нарматыўнымі дакумэнтамі аб прысваеньні чарговых кваліфікацыяў лекарам-анэстэзіёлягам. Таксама Шураву задаў Юры Кубараў.
16:55 10.1.2014
У судзе абвешчаны перапынак на 10-15 хвілін

Загрузіць яшчэ

Паказаць камэнтары

XS
SM
MD
LG