Лінкі ўнівэрсальнага доступу

Анэстэзіёляг Аляксандар Шураў, галоўны інжынэр Вадзім Ліхута і гендырэктарка «Экамэдсэрвіса» Галіна Валжанкіна на судзе.
Анэстэзіёляг Аляксандар Шураў, галоўны інжынэр Вадзім Ліхута і гендырэктарка «Экамэдсэрвіса» Галіна Валжанкіна на судзе.

Пачаўся працэс у справе «Экамэдсэрвіса»

абноўлена

У Кастрычніцкім судзе Менску пачаўся працэс па справе супрацоўнікаў мэдыцынскага цэнтру «Экамэдсэрвіс», якіх вінавацяць у сьмерці пацыенткі Юліі Кубаравай.

У судовай залі знаходзяцца абвінавачаныя: былая гендырэктарка «Экамэдсэрвіса» Галіна Валжанкіна, анэстэзіёляг Аляксандар Шураў, галоўны інжынэр Вадзім Ліхута. Іх абвінавачваюць у службовай нядбайнасьці, якая прывяла да сьмерці пацыенткі Юліі Кубаравай.

Судзьдзя — Абакунчык Ала. Пракурор — Мікалай Жэчка.

У залю прыйшоў таксама бацька памерлай — Юры Кубараў.

27 сакавіка 2013 году пасьля плястычнай апэрацыі жыхарка Горадні Юлія Кубарава не ачуняла і памерла праз 4 тыдні ў 4-м сталічным шпіталі. Паводле сьледзтва, у часе апэрацыі дрэнна працаваў апарат штучнай вэнтыляцыі лёгкіх.
12:25 9.1.2014
Юры Кубараў абвінавачвае «Экамэдсэрвіс» у бесчалавечнасьці

Пацярпелы Юры Кубараў сказаў, што гэты працэс для яго — кшталту Нюрнбэрскага працэсу. Ён абвінавачвае мэдыкаў і кіраўнікоў «Экамэдсэрвіса» ў бесчалавечнасьці.
12:05 9.1.2014
Пачаўся працэс па справе «Экамэдсэрвісу»
пачакайце

No media source currently available

0:00 0:00:56 0:00
11:31 9.1.2014
Алу Кубараву прызналі грамадзянскім пазоўнікам па справе, у сувязі з гэтым судовае паседжаньне перанесьлі на 10 студзеня, паколькі ёй трэба азнаёміцца з матэрыяламі справы.
11:23 9.1.2014
Юры Кубараў таксама хадайнічае, каб грамадзянскім пазоўнікам па справе судом была прызнаная маці загінулай Юліі Кубаравай Ала Кубарава.
Ала Кубарава
Ала Кубарава
11:09 9.1.2014
Судзьдзя далучыла да справы пазоў пацярпелага Юрыя Кубарава да «Экамэдсэрвіса» аб кампэнсацыі маральнай і матэрыяльнай шкоды.
Юры Кубараў
Юры Кубараў
10:40 9.1.2014
Пацярпелы Кубараў зьвярнуўся з хадайніцтвам аб кампэнсацыі маральнай і матэрыяльнай шкоды. Пазоў заяўлены да «Экамэдсэрвіса». Абвінавачаныя ня супраць, але іх адвакаты яшчэ знаёмяцца з пазовам. Сума пазову не абвешчаная.
10:27 9.1.2014
Пасьля выказваньня пазыцый бакоў судзьдзя забараніла фота і відэаздымкі. Фотарэпартэраў і відэаапэратараў просяць пакінуць залю.
10:26 9.1.2014
Працэс пачаўся а 10:10. У суседнім пакоі ідзе рамонт, гудзе дрыль, незразумела як у такіх умовах будуць адбывацца слуханьні. У судовай залі знаходзяцца абвінавачаныя: былая гендырэктарка «Экамэдсэрвісу» Галіна Валжанкіна, анэстэзіёляг Аляксандар Шураў, галоўны інжынэр Вадзім Ліхута. Іх абвінавачваюць у службовай нядбайнасьці, якая прывяла да сьмерці пацыенткі Юліі Кубаравай.

Судзьдзя — Абакунчык Ала. Пракурор — Мікалай Жэчка.
Пракурор Мікалай Жэчка
Пракурор Мікалай Жэчка

У залю прыйшоў таксама бацька памерлай — Юры Кубараў.

27 сакавіка 2013 году пасьля плястычнай апэрацыі жыхарка Горадні Юлія Кубарава не ачуняла і памерла праз 4 тыдні ў 4-м сталічным шпіталі. Паводле сьледзтва, у часе апэрацыі дрэнна працаваў апарат штучнай вэнтыляцыі лёгкіх.
XS
SM
MD
LG