Сьнежная бура справакавала транспартны калапс на паўночным усходзе ЗША. Узровень сьнегу месцамі дасягае 60 см.
Каля 2,3 тысяч авіярэйсаў былі адмененыя. Чакаецца , што яшчэ неабходна будзе адмяніць сотні іншых рэйсаў, паведамляе BBC.
Нью-ёркскі аэрапорт імя Кэнэдзі закрылі з-за неабходнасьці прыбраць сьнег. У горадзе не працуюць школы .
У штатах Нью-Ёрк і Нью-Джэрсі абвешчана надзвычайнае становішча.
Па дадзеных сыноптыкаў, тэмпэратура ў Нью-Ёрку можа складаць да −25 градусаў па Цэльсіі.
Губэрнатар штата Нью-Ёрк Эндру Куомо заявіў: «З гэтым жарты дрэнныя. Людзі павінны сур’ёзна паставіцца да таго, каб заставацца дома».
«Калі вам ня трэба нікуды ісьці, то, калі ласка, нікуды не хадзіце. Трымайцеся далей і ад вуліц, і ад вашых машын», — заклікаў новы мэр Нью-Ёрка Біл дэ Блаз.
