Лінкі ўнівэрсальнага доступу

Ужо сёньня, 28 сьнежня: У гэты дзень выйшаў «Вянок» і «Архіпэляг ГУЛАГ»


Зборнік Максіма Багдановіча «Вянок». Здымак зроблены ў часе чытаньняў пратэсту супраць закрыцьця музэяў Багдановіча, сьнежань 2013

Зборнік Максіма Багдановіча «Вянок». Здымак зроблены ў часе чытаньняў пратэсту супраць закрыцьця музэяў Багдановіча, сьнежань 2013

Падзеі і даты сёньняшняга дня ў Беларусі, сьвеце, гісторыі.

ПАДЗЕІ ДНЯ

У Менску, у Нацыянальным мастацкім музэі адбудзецца калядны канцэрт камэрнага хору «Паліфоніка». Пачатак у 17.00.

У Менску, у Арт-Сядзібе (завулак Інструмэнтальны, 6, офіс 105) грамадзкая кампанія «У Беларусь і Эўропу – бязь візы!» арганізуе закрыты міні-канцэрт для сяброў кампаніі. У канцэрце выступіць гурт HandMade. Пачатак у 18.00.

У менскім клюбе «Графіці» – канцэрт гурту N.R.M. Пачатак у 19.00.

У магілёўскай ратушы – шляхецкі калядны музычны салён. Пачатак у 15.00.

У Страсбуры (Францыя) і ў памежным рэгіёне ў Бадэне (Нямеччына) пройдзе 36-я Эўрапейская сустрэча моладзі. У ёй прымуць удзел больш за 500 маладых людзей зь Беларусі.

ДЗЕНЬ У ГІСТОРЫІ

1908 – у Вільні заснаваная друкарня таварыства «Наша хата», што выдавала беларускія падручнікі і дзіцячыя кніжкі.

1913 – у віленскай друкарні Марціна Кухты выйшла першая і адзіная прыжыцьцёвая кніжка Максіма Багдановіча «Вянок».

1918 – на парлямэнцкіх выбарах у Брытаніі ўпершыню чальцом палаты абшчынаў была абраная жанчына – Канстанцыя Маркевіч. Прозьвішча Маркевіч яна мела ад польскага мужа Казіміра Дуніна-Маркевіча.

1920 – скончыліся баявыя дзеяньні Слуцкага Збройнага чыну.

1973 – выйшла з друку кніга Аляксандра Салжаніцына «Архіпэляг Гулаг».

1991 – беларускі ўрад прыняў пастанову аб лібэралізацыі цэн – пераходзе да свабоднага рыначнага цэнаўтварэньня на тавары і паслугі.

1991 – Беларусь усталявала дыпляматычныя адносіны з ЗША.

2004 – прэзыдэнцкія выбары ва Ўкраіне выйграў Віктар Юшчанка, перамогшы свайго найбліжэйшага канкурэнта Віктара Януковіча.

2010 – Аляксандар Лукашэнка прызначыў прэм’ер-міністрам Міхаіла Мясьніковіча замест Сяргея Сідорскага.

У гэты дзень нарадзіліся:

1856 – Вудра Вільсан, 28-ы прэзыдэнт ЗША, Нобэлеўскі ляўрэат.

1908 – Яўген Вучэціч, савецкі скульптар, аўтар ня толькі славутага помніка на Мамаевым кургане «Радзіма-маці», але і шэрагу скульптур Сталіна, Леніна, Дзяржынскага.

1910 – Іван Шаціла, народны артыст Беларусі.

1944 – Кэры Муліс, амэрыканскі біяхімік, дасьледнік ДНК, ляўрэат Нобэлеўскай прэміі.

У гэты дзень памерлі:

1925 – расейскі паэт Сяргей Ясенін.

1937 – францускі кампазытар Марыс Равэль.

1945 – амэрыканскі пісьменьнік Тэадор Драйзэр.

1984 – пісьменьнік Мiкола Лобан.

ЦЫТАТЫ НА ПАМЯЦЬ

«Простая ісьціна, але і яе трэба выпакутаваць: блаславёныя не перамогі ў войнах, а паразы ў іх! Перамогі патрэбныя ўрадам, паразы патрэбныя – народу. Пасьля перамог хочацца яшчэ перамог, пасьля паразы хочацца свабоды – і звычайна яе дамагаюцца».
Аляксандар Салжаніцын
XS
SM
MD
LG