Урад Эгіпту абвясьціў рух «Браты-мусульмане» тэрарыстычнай арганізацыяй. Заяву кабінэта міністраў агучыў міністар вышэйшай адукацыі Хасам Эйса.
Эгіпэцкія ўлады абвінавачваюць ісламісцкі рух у датычнасьці да шэрагу тэрактаў, у тым ліку да выбуху каля паліцэйскага ўчастка ў горадзе Эль- Мансура ў аўторак, у выніку чаго загінулі 16 чалавек, больш за сто атрымалі раненьні. Празь некалькі гадзін пасьля нападу тэрарыстычнай арганізацыяй «Братоў-мусульман» назваў прэм’ер-міністар Хазэм эль-Беблаві.
«Браты-мусульмане» адпрэчваюць абвінавачваньні і рэзка асудзілі выбух у Эль-Мансуры.
Раней у сераду адказнасьць за напад узяла на сябе радыкальная групоўка «Ансар Бейт аль-Макдзіс», зьвязаная з «Аль-Кайдай». На сайце ваеўнікоў паведамляецца нават імя сьмяротніка, які зьдзейсьніў выбух.
Пасьля адхіленьня ваеннымі ад улады ў ліпені прэзыдэнта Мухамэда Мурсі і забароны «Братоў-мусульман», адным зь лідэраў якіх ён быў, больш за дзьве тысячы ісламісцкіх актывістаў апынуліся пад арыштам.
Улады абвінавачвалі іх у падбухторваньні да гвалту і масавых беспарадкаў.
Эгіпэцкія ўлады абвінавачваюць ісламісцкі рух у датычнасьці да шэрагу тэрактаў, у тым ліку да выбуху каля паліцэйскага ўчастка ў горадзе Эль- Мансура ў аўторак, у выніку чаго загінулі 16 чалавек, больш за сто атрымалі раненьні. Празь некалькі гадзін пасьля нападу тэрарыстычнай арганізацыяй «Братоў-мусульман» назваў прэм’ер-міністар Хазэм эль-Беблаві.
«Браты-мусульмане» адпрэчваюць абвінавачваньні і рэзка асудзілі выбух у Эль-Мансуры.
Раней у сераду адказнасьць за напад узяла на сябе радыкальная групоўка «Ансар Бейт аль-Макдзіс», зьвязаная з «Аль-Кайдай». На сайце ваеўнікоў паведамляецца нават імя сьмяротніка, які зьдзейсьніў выбух.
Пасьля адхіленьня ваеннымі ад улады ў ліпені прэзыдэнта Мухамэда Мурсі і забароны «Братоў-мусульман», адным зь лідэраў якіх ён быў, больш за дзьве тысячы ісламісцкіх актывістаў апынуліся пад арыштам.
Улады абвінавачвалі іх у падбухторваньні да гвалту і масавых беспарадкаў.