Лінкі ўнівэрсальнага доступу

logo-print
«Мы правядзем акцыю пратэсту супраць увядзеньня падатку на аўто 27 сьнежня ў 18.00!» — гаворыцца ў новаўтворанай групе, якая зьявілася «уКантакце» замест выдаленай суполкі напярэдадні.

Арганізатары акцыі прапануюць усім кіроўцам выехаць на цэнтральныя праспэкты сваіх гарадоў, сыгналіць і ўсяляк запавольваць рух:

«Мы выйшлі і выехалі 20 сьнежня, але нас ўлады не пачулі! Таму мы будзем „крычаць“ далей да тых часоў, пакуль нас не пачуюць. У гэтую пятніцу 27 сьнежня ў 18:00 на цэнтральных праспэктах свайго горада мы зноў скажам сваё „Я“! Мы людзі, а ня быдла, і з намі трэба лічыцца. Яўка абавязковая ва ўсіх гарадах краіны! Баяцца няма каго — ён ніхто!»

20 сьнежня адбылася акцыя ў Менску і некалькі іншых гарадах. У Менску каля сотні аўтамабіляў стварылі затор на праспэкце Незалежнасьці, сыгналілі, пешаходы падтрымлівалі акцыю. Міліцыі праз гадзіну ўдалося нэўтралізаваць удзельнікаў. Некалькі чалавек былі затрыманыя.

Ваша меркаваньне

Паказаць камэнтары

XS
SM
MD
LG