Прэм’ер-міністар Эгіпту Хазэм эль-Беблаві абвясьціў рух «Браты-мусульмане» тэрарыстычнай арганізацыяй.
Пра гэта сёньня паведамілі мясцовыя мэдыі са спасылкай на прэс-службу прэм’ера. Гадзінамі раней у эгіпецкім горадзе Мансура побач з паліцэйскім участкам быў падарваны начынены выбухоўкай аўтамабіль. Па апошніх дадзеных, загінулі ня менш за 14 чалавек, каля 100 атрымалі раненьні. Сам будынак часткова разбураны.
Эль-Беблаві назваў тое, што адбылося, тэрактам. Улады падкрэсьліваюць, што тыя, хто стаіць за выбухам, зацікаўлены ў зрыве плянаў па пераходзе краіны да дэмакратыі.
Адказнасць за выбух ніхто на сябе ня ўзяў. «Браты-мусульмане» напад асудзілі, назваўшы яго замахам на адзінства народа Эгіпту.
Пасьля адхіленьня ад улады вайскоўцамі ў ліпені прэзыдэнта Мухамада Мурсі рух «Браты-мусульмане», ад якога ён балятаваўся на пасаду кіраўніка дзяржавы, быў забаронены. Звыш двух тысяч сяброў арганізацыі апынуліся пад арыштам. Каля 450 зь іх у панядзелак пачалі галадоўку ў знак пратэсту супраць «негуманнага абыходжаньня» зь імі ў турме.
Пра гэта сёньня паведамілі мясцовыя мэдыі са спасылкай на прэс-службу прэм’ера. Гадзінамі раней у эгіпецкім горадзе Мансура побач з паліцэйскім участкам быў падарваны начынены выбухоўкай аўтамабіль. Па апошніх дадзеных, загінулі ня менш за 14 чалавек, каля 100 атрымалі раненьні. Сам будынак часткова разбураны.
Эль-Беблаві назваў тое, што адбылося, тэрактам. Улады падкрэсьліваюць, што тыя, хто стаіць за выбухам, зацікаўлены ў зрыве плянаў па пераходзе краіны да дэмакратыі.
Адказнасць за выбух ніхто на сябе ня ўзяў. «Браты-мусульмане» напад асудзілі, назваўшы яго замахам на адзінства народа Эгіпту.
Пасьля адхіленьня ад улады вайскоўцамі ў ліпені прэзыдэнта Мухамада Мурсі рух «Браты-мусульмане», ад якога ён балятаваўся на пасаду кіраўніка дзяржавы, быў забаронены. Звыш двух тысяч сяброў арганізацыі апынуліся пад арыштам. Каля 450 зь іх у панядзелак пачалі галадоўку ў знак пратэсту супраць «негуманнага абыходжаньня» зь імі ў турме.