Лінкі ўнівэрсальнага доступу

logo-print

Вінярскага арыштавалі на 15 сутак


Максім Вінярскі

Максім Вінярскі

20 сьнежня актывіста «Эўрапейскай Беларусі» Максіма Вінярскага асудзілі на 15 сутак арышту.

Сястра Максіма Вінярскага Алена паведаміла Радыё Свабода, што, верагодна, Максіма асудзілі за ўдзел у пікетаваньні ўкраінскай амбасады, якое яны разам з Ільлём Дабратворам зладзілі 30 лістапада на знак салідарнасьці з Эўрамайданам.

Максім Вінярскі вярнуўся ў Менск з Украіны 18 сьнежня. З 6 сьнежня ён быў сярод удзельнікаў Эўрамайдану.

«Ён паехаў туды тым бясплатным аўтобусам, які затрымалі ў Мар’інай Горцы. Пасьля таго як аўтобус спынілі, Максім дабраўся ў Кіеў сваім шляхам. 18 сьнежня вярнуўся. Дзень адсыпаўся, а 19-га пайшоў на акцыю, прысьвечаную трэцяй гадавіне Плошчы. Пасьля той акцыі яго і затрымалі каля Чырвонага касьцёла. Ён тэлефанаваў мне пасьля акцыі і казаў, што верагодна, што яго затрымаюць. Спачатку яго забралі ў Маскоўскі РАУС, пасьля перавезьлі ў Цэнтральны. Аднак, як я ведаю, судзілі ўсё ж за той пікет 30 лістапада», — распавяла сястра Максіма Вінярскага Алена.
XS
SM
MD
LG