Пра гэта заявіў сёньня старшыня партыі Аляксей Янукевіч. Падчас збору подпісаў за вылучэньне кандыдатаў у дэпутаты партыя правядзе Агульнанацыянальны дзень пікетаў супраць расейскіх вайсковых базаў.
Асноўны акцэнт у выбарчых праграмах кандыдатаў ад партыі і руху БНФ будзе на агульнанацыянальныя праблемы. Галоўныя зь іх — барацьба супраць разьмяшчэньня на тэрыторыі Беларусі расейскіх вайсковых базаў і за адмену «аўтапабору», — заявіў сёньня Аляксей Янукевіч:
«На трэцюю дэкаду студзеня мы плянуем Адзіны агульнанацыянальны дзень пікетаў супраць расейскіх вайсковых базаў. У гэты дзень падчас збору подпісаў усе кандыдаты ад партыі БНФ і сябры іхніх камандаў масава ў адзін час выйдуць на пікеты. У іх візуальным афармленьні будзе прысутнічаць тэма расейскіх вайсковых базаў. Толькі на гэтай тэме і будзе зроблены акцэнт падчас размоваў з выбарцамі. Перадусім такія пікеты адбудуцца ў тых гарадах, дзе нашым актывістам раней адмовілі ў іх правядзеньні. Мы разьлічваем, што такіх пікетаў адбудуцца сотні — у адзін дзень і ў адзін час».
Аляксей Янукевіч і яго намесьнік Ігар Лялькоў паведамілі, што БНФ вылучыць на мясцовыя выбары больш за 150 кандыдатаў, перадусім у абласныя і Менскі гарадзкі саветы. Пры гэтым лідэры БНФ не сумняюцца, што новыя выбары, як і папярэднія, ня будуць ні свабоднымі, ні справядлівымі.
Тады журналісты пацікавіліся: а які сэнс удзельнічаць у такім фарсе?
Аляксей Янукевіч патлумачыў:
«Выбараў у Беларусі фактычна няма. Аднак партыя БНФ ёсьць. Нашыя лідэры ў рэгіёнах ёсьць. Нашае бачаньне альтэрнатыўнага разьвіцьця краіны ёсьць. І менавіта дзеля таго, каб паказаць людзям гэтую альтэрнатыву, каб больш людзей даведаліся пра нас і падтрымалі, мы і ўваходзім у гэтую кампанію».
Падобныя адказы гучаць і ад лідэраў некаторых іншых апазыцыйных партыяў, — заўважае дырэктар Цэнтру эўрапейскай трансфармацыі Андрэй Ягораў. — Гэта тлумачыцца тым, што яны ня маюць асэнсаванай стратэгіі дзеяньняў:
«Яны не жадаюць вырашаць рэальныя праблемы, якія ёсьць сёньня. Найперш — унутры стасункаў палітычнай апазыцыі, грамадзянскай супольнасьці, незалежнага грамадзтва. Тады яны займаюцца рэагаваньнем на бягучыя праблемы. А выбары і ёсьць тая бягучая падзея, на якую трэба даваць адказ. Удзел у выбарчай кампаніі дазваляе загрузіць пэўнай працай партыйны актыў, які не павінен прастойваць. А іхныя тлумачэньні вельмі стандартныя і традыцыйныя. І чуем мы іх ужо, напэўна, гадоў дзесяць. Ні самі тлумачэньні, ні сама іхняя праца, на жаль, ні да чога сутнаснага не вядуць».
Мясцовыя выбары ў Беларусі прызначаныя на 23 сакавіка 2014 году.
Асноўны акцэнт у выбарчых праграмах кандыдатаў ад партыі і руху БНФ будзе на агульнанацыянальныя праблемы. Галоўныя зь іх — барацьба супраць разьмяшчэньня на тэрыторыі Беларусі расейскіх вайсковых базаў і за адмену «аўтапабору», — заявіў сёньня Аляксей Янукевіч:
«На трэцюю дэкаду студзеня мы плянуем Адзіны агульнанацыянальны дзень пікетаў супраць расейскіх вайсковых базаў. У гэты дзень падчас збору подпісаў усе кандыдаты ад партыі БНФ і сябры іхніх камандаў масава ў адзін час выйдуць на пікеты. У іх візуальным афармленьні будзе прысутнічаць тэма расейскіх вайсковых базаў. Толькі на гэтай тэме і будзе зроблены акцэнт падчас размоваў з выбарцамі. Перадусім такія пікеты адбудуцца ў тых гарадах, дзе нашым актывістам раней адмовілі ў іх правядзеньні. Мы разьлічваем, што такіх пікетаў адбудуцца сотні — у адзін дзень і ў адзін час».
Аляксей Янукевіч і яго намесьнік Ігар Лялькоў паведамілі, што БНФ вылучыць на мясцовыя выбары больш за 150 кандыдатаў, перадусім у абласныя і Менскі гарадзкі саветы. Пры гэтым лідэры БНФ не сумняюцца, што новыя выбары, як і папярэднія, ня будуць ні свабоднымі, ні справядлівымі.
Тады журналісты пацікавіліся: а які сэнс удзельнічаць у такім фарсе?
Аляксей Янукевіч патлумачыў:
Выбараў у Беларусі фактычна няма. Аднак партыя БНФ ёсьць
Падобныя адказы гучаць і ад лідэраў некаторых іншых апазыцыйных партыяў, — заўважае дырэктар Цэнтру эўрапейскай трансфармацыі Андрэй Ягораў. — Гэта тлумачыцца тым, што яны ня маюць асэнсаванай стратэгіі дзеяньняў:
«Яны не жадаюць вырашаць рэальныя праблемы, якія ёсьць сёньня. Найперш — унутры стасункаў палітычнай апазыцыі, грамадзянскай супольнасьці, незалежнага грамадзтва. Тады яны займаюцца рэагаваньнем на бягучыя праблемы. А выбары і ёсьць тая бягучая падзея, на якую трэба даваць адказ. Удзел у выбарчай кампаніі дазваляе загрузіць пэўнай працай партыйны актыў, які не павінен прастойваць. А іхныя тлумачэньні вельмі стандартныя і традыцыйныя. І чуем мы іх ужо, напэўна, гадоў дзесяць. Ні самі тлумачэньні, ні сама іхняя праца, на жаль, ні да чога сутнаснага не вядуць».
Мясцовыя выбары ў Беларусі прызначаныя на 23 сакавіка 2014 году.
