Лінкі ўнівэрсальнага доступу

Раніцай вы на паўдарозе да дзьвярэй зь цяжкай торбай у адной руцэ і кубкам кавы ў другой. Дзе ключы? І так пачынаецца 20-хвілінны панічны пошук ключоў, якія ляжаць на часопісным століку. Вы пачынаеце адчуваць сябе ўсхваляванымі і раздражнёным. Памяць затуманьваецца, сэрца моцна б’ецца, рукі пацеюць. Яшчэ адна трывожная раніца...

Часта людзі знаходзяцца ў трывожным стане, чакаюць страшных прадказаньняў у будучыні, якія ня маюць ніякіх рэальных падстаў. У паўсядзённым жыцьці фізычныя і эмацыйныя сымптомы трывогі могуць прывесьці да павелічэньня частаты сардэчных скарачэньняў і нават сардэчнага прыступу, да дрэннай канцэнтрацыі на працы і ў школе, праблемаў са сном.

Трывога і стрэс зьяўляюцца фізычнай і эмацыйнай рэакцыяй на меркаваныя небясьпекі, якія насамрэч не заўсёды рэальныя. Часта дробязі моцна раздражняюць: паштовая скрыня перагружаная, ранішняя гадзіна пік, згубленыя ключы перад дзьвярыма. На шчасьце, гэты тып стрэсу лёгка перамагчы з дапамогай некалькіх простых зьменаў на працягу дня.

Калі вы адчуваеце, што маеце справу з сур’ёзным трывожным засмучэньнем, калі ласка, зьвярніцеся да лекара. Але калі вы шукаеце спосабы, каб паменшыць штодзённы неспакой, гэтыя 10 парадаў дапамогуць вам стаць спакойным і сабраным у самыя кароткія тэрміны.

1. Паўнавартасны сон. Нерэгулярны сон можа мець сур’ёзныя наступствы. Недахоп сну ня толькі ўплывае на наша фізычнае здароўе, але таксама спрыяе агульнай трывозе і стрэсу. Часам ствараецца заганнае кола, паколькі трывога часта прыводзіць да збояў у сьне і наадварот.

2. Усьмешка. Калі праца стаміла, зрабіце кароткі перапынак і крыху пасьмейцеся. Дасьледаваньні паказваюць, што сьмех можа паменшыць сымптомы дэпрэсіі і трывогі.

3. Парадак. Фізычны беспарадак адпавядае псыхічнаму. Бруднае працоўнае месца не дае расслабіцца і робіць уражаньне, што наша праца зьяўляецца бясконцай. Знайдзіце 15 хвілін, каб прывесьці ў парадак сваё жыльлё альбо працоўнае месца, а затым зрабіце звычку трымаць рэчы ў чысьціні. Гэта дапаможа думаць рацыянальна, і не будзе так шмат месца для трывогі.

4. Выказвайце падзяку. Дасьледаваньні паказалі, што падзяка дапамагае паменшыць неспакой, асабліва калі мы добра адпачылі.

5. Сілкуйцеся правільна. Трывога можа разбурыць наша цела. Наш апэтыт можа зьмяніцца, мы можам моцна прагнуць пэўных харчоў. Але каб даць арганізму неабходную падтрымку, паспрабуйце есьці больш прадуктаў, якія ўтрымліваюць вітамін B і Амэга-3, а таксама некаторыя здаровыя вугляводы з суцэльнага збожжа. І хоць нашы звычкі кажуць пра іншае, дасьледаваньні сьведчаць, што ўжываньне салодкіх і апрацаваных прадуктаў могуць павялічыць сымптомы трывогі.

6. Навучыцеся дыхаць. Правільнае дыханьне — гэта карысны інструмэнт для прадухіленьня панікі. Кароткія, неглыбокія ўдыхі здымаюць напружаньне мозга і цела.

7. Мэдытуйце. Большасьць з нас чулі, што мэдытацыя расслабляе, але навукоўцы таксама адкрылі, што мэдытацыя на самай справе павялічвае колькасьць шэрага рэчыва ў мозгу. Шэраг нядаўніх дасьледаваньняў пацьвярджаюць станоўчыя эфэкты мэдытацыі на трывогу і стрэс. Мэдытацыя таксама дазваляючы нам высьветліць, што спараджае трывожныя думкі.

8. Калі будучыня падаецца страшнай, паспрабуйце зьмяніць думкі пра тое, што чакае нас наперадзе. Часам сам факт устанаўленьня канкрэтных мэтаў можа зьняць вастрыню трывогі аб невядомай будучыні.

9. Пагуляйце. Дзеці і жывёлы маюць прыроджаную здольнасьць гуляць і не пераймацца аб сваіх перапоўненых паштовых скрынях. Пакуль бізнэс-офісы не даюць нам перапынку, давядзецца ўзяць на сябе адказнасьць за нашы ўласныя прагулкі. Звадзіце сабаку — сябра на шпацыр, пагуляйце з дзецьмі на вуліцы, і дрэнныя думкі вылецяць з галавы.

10. Памаўчыце. Паспрабуйце часам цалкам адключыцца. Пачніце з пяці хвілінаў — ні тэлефону, ні электроннай пошты, ні тэлевізара, ні навінаў — нічога. Хай іншыя людзі ведаюць, што яны ня змогуць зьвязацца з вамі, каб вы маглі не турбавацца.

Паказаць камэнтары

XS
SM
MD
LG