Лінкі ўнівэрсальнага доступу

Міліцыя супраць Багдановіча. Жывы рэпартаж


Музэй Максіма Багдановіча

Музэй Максіма Багдановіча

01:53 17.12.2013
Запіс відэатрансляцыі, якую наш сайт вёў з публічных чытаньняў
19:26 16.12.2013
Ігар Карней
Лявон Баршчэўскі паведаміў Свабодзе: пасьля паэтычных чытаньняў за ім ды іншымі ўдзельнікамі мерапрыемства нейкі час цікавалі супрацоўнікі міліцыі, але цяпер яны зь сябрамі «эвакуяваліся ў надзейнае месца» і спадзяюцца, што ўрэшце ўдасца дабрацца дадому без прыгодаў.
19:11 16.12.2013
Галіна Абакунчык
Паводле папярэдніх зьвестак, паэтычныя чытаньні ў абарону музэя Максіма Багдановіча ў Траецкім прадмесьці скончыліся без затрыманьняў. Сьледам за ўдзельнікамі апошнімі з пляцу сышлі супрацоўнікі міліцыі.

Пакуль невядома, ці будзе працяг гэтай акцыі ў наступныя дні, паколькі прадстаўнікі Цэнтральнага РАУС абвесьцілі, што мерапрыемства было несанкцыянаванае і прыгразілі адказнасьцю арганізатарам.

Тым часам Уладзімер Арлоў апавёў: сёньня стала вядома, што Міністэрства юстыцыі не ўхваліла распараджэньне Міністэрства культуры аб пераводзе музэя Багдановіча ў філію Музэя беларукай літаратуры, паколькі такое рашэньне зьяўляецца незаконным — зьмяніць статус юрыдычнай асобы можа толькі заснавальнік, а заснавальнікам музэя Багдановіча ёсьць не Міністэрства культуры, а Менгарвыканкам. Таму застаецца спадзяваньне, што Савет міністраў, разглядаючы гэтае распараджэньне, возьме пад увагу гэтую нямалаважную акалічнасьць.
18:52 16.12.2013
Чытаньні спыненыя. Невядомыя ў цывільным пайшлі сьледам за Лявонам Баршчэўскім і Аляксеем Марачкіным.

Загрузіць яшчэ

Паказаць камэнтары

XS
SM
MD
LG