Лінкі ўнівэрсальнага доступу

logo-print

Ужо сёньня, 15 сьнежня: пахаваньне Мандэлы, прэзэнтацыя кнігі Запрудніка


Старшыня Вярхоўнага Савету Станіслаў Шушкевіч і прэзыдэнт ЗША Біл Клінтан падчас візыту апошняга ў Беларусь, 1994 год

Старшыня Вярхоўнага Савету Станіслаў Шушкевіч і прэзыдэнт ЗША Біл Клінтан падчас візыту апошняга ў Беларусь, 1994 год

Падзеі і даты сёньняшняга дня ў Беларусі, сьвеце, гісторыі.

ПАДЗЕІ ДНЯ:

У Менску ў кавярні «Лот» (вул. Петруся Броўкі, 22) грамадзянская культурна-гістарычная кампанія «1863», прысьвечаная 150-годзьдзю паўстаньня Каліноўскага, праводзіць канфэрэнцыю з прэзэнтацыяй артэфактаў. Пачатак у 11.30.

У Паўднёва-Афрыканскай Рэспубліцы – пахаваньне Нэльсана Мандэлы, былога прэзыдэнта ПАР, ляўрэата Нобэлеўскай прэміі міру.

У Туркмэністане – выбары ў парлямэнт.

У Нью-Ёрку, у залі катэдральнага сабору імя Кірылы Тураўскага пад адрасам: 401 Атлянтык Авэню, Бруклін, Бруклінскі аддзел БАЗА і БІНіМ ладзяць прэзэнтацыю кнігі Янкі Запрудніка «Беларускія фэстывалі ў штаце Нью Джэрзі: Палітычная інфармацыя моваю мастацтва (1948-2011)». Пачатак а 12.30, пасьля багаслужбы ў саборы.

ГЭТЫ ДЗЕНЬ У ГІСТОРЫІ

1862 – на тэрыторыі Беларусі пачалася эксплуатацыя першай чыгункі, якая зьвязала Горадню з Парэччам і была часткай Пецярбурска-Варшаўскай чыгункі.

1922 – у Менску заснаваная Беларуская дзяржаўная і ўнівэрсытэцкая бібліятэка.

1961 – у Ерусаліме Адольфу Эйхману зачыталі сьмяротны прысуд, прызнаўшы яго вінаватым у злачынствах супраць габрэйскага народу, супраць чалавечнасьці і вайсковым злачынцам.

1985 – у Беларусі нарадзіўся 10-мільённы жыхар.

2000 – ва Ўкраіне канчаткова спынілася праца Чарнобыльскай АЭС.

У гэты дзень нарадзіліся:

1859 – у Беластоку нарадзіўся Людвік Замэнгоф, стваральнік мовы эспэранта.

1908 – нарадзіўся Апанас Кавалёў, кіраўнік ураду БССР у 1937-1939 гадах.

1921 – у Капылі нарадзіўся Сьцяпан Александровіч, беларускі літаратуразнаўца і краязнаўца. Надаваў прынцыповае значэньне мэтадалёгіі дасьледаваньняў, палемізаваў зь некаторымі расейскімі і польскімі аўтарамі за іх антыгістарычны падыход да паняцьцяў «Русь», «рускі», «Літва», «літоўскі», штучнае атаясамліваньне з расейскай або летувіскай культурай здабыткаў уласна беларускай культуры, дасягнутых пад гэтымі назвамі ў розныя эпохі.

1934 – у Менску нарадзіўся старшыня Вярхоўнага Савету Беларусі 12-га скліканьня, навуковец Станіслаў Шушкевіч.

1961 – у Паставах нарадзіўся дэпутат Вярхоўнага Савету Беларусі 12-га скліканьня, журналіст Сяргей Навумчык.

У гэты дзень памерлі:

1862 – Уладзіслаў Сыракомля, беларуска-польскі паэт, пісьменьнік, публіцыст, перакладчык.

1954 – Язэп Драздовіч, беларускі мастак, археоляг, пісьменьнік, этнограф і фальклярыст.

1966 – Уолт Дыснэй, амэрыканскі аніматар

ЦЫТАТА НА ПАМЯЦЬ:

«Я не ствараю фільмы проста, каб зарабляць грошы. Я зарабляю грошы, каб ствараць фільмы».
Уолт Дыснэй
XS
SM
MD
LG