Лінкі ўнівэрсальнага доступу

За год Літва атрымлівае ў бюджэт ад турызму больш за $2 млрд


Зімовая рыбалка ў Куршскай затоцы каля Клайпеды

Зімовая рыбалка ў Куршскай затоцы каля Клайпеды

Апроч таго, суседняя зь Беларусяй і ўтрая меншая за Беларусь краіна патрапіла ў дзясятку краінаў з найбольш этычным турызмам.

Адзін з найбуйнейшых альянсаў падарожнікаў The Ethical Traveler уключыў Літву ў дзясятку найбольш этычных напрамкаў сусветнага турызму, высока ацаніўшы разьвіцьцё экатурызму і аховы прыроды.

Літва заняла ў рэйтынгу ганаровае 7-ае месца.

На першым месцы – Багамы, за імі ідзе Барбадас, Каба-Вэрдэ, Чылі, Дамініканская рэспубліка і Латвія.

Замыкаюць дзясятку Маўрыкій, Палаў і Ўругвай.

У працягу 2012 году Літву наведалі 2 мільёны замежных турыстаў, даход ад турызму ў дзяржаўны бюджэт склаў 5,2 мільярда літаў (больш за $2 млрд).

Для параўнаньня, Беларусь у 2012 годзе наведалі 118,7 тысяч турыстаў. Пра даход у бюджэт не паведамляецца.
XS
SM
MD
LG