Лінкі ўнівэрсальнага доступу

Ужо сёньня, 13 сьнежня: санкцыі пашырылі на жонак і мужоў; Мясьніковіч у Маскве; пачаткі савецкай беларусізацыі


Калядная варажба

Калядная варажба

Падзеі і даты сёньняшняга дня ў Беларусі, сьвеце, гісторыі.

У БЕЛАРУСІ І СЬВЕЦЕ

Міхаіл Мясьніковіч і Дзьмітры Мядзьведзеў правядуць у Маскве пасяджэньне Саўміну Саюзнай дзяржавы.

Жонкі замежных паслоў і дыпляматаў арганізуюць дабрачынны кірмаш у Палацы дзяцей і моладзі. Уваход для наведвальнікаў ад 11 да 17 гадзін.

Інвэстыцыйная кампанія «Зубр капітал» праводзіць для студэнтаў і маладых спэцыялістаў сэмінар пра стартавы капітал ( у памяшканьні менскага бізнэс клюбу IMAGURU па вул. Фабрыцыюса 4).

У кнігарні «Логвінаў» міні-канцэрт гурту «Босае сонца», пачатак а 20-й.

ТАКСАМА Ў ГЭТЫ ДЗЕНЬ

1620 – Ворша атрымала герб: у блакітным полі залаты паўмесяц, паміж рагамі якога разьмешчаны срэбны крыж.

1913 – выйшаў першы нумар грамадзка-палітычнай газэты «Минчанин», якая выдавалася па-расейску каля году.

1920 – на другім Усебеларускім зьезьдзе Саветаў прынятыя дапаўненьні да Канстытуцыі БССР і ратыфікаваная Рыская мірная дамова паміж Савецкай Расеяй і Польшчай. Зьезд выказаўся за перавод усіх дзяржаўных устаноў на беларускую мову.

1943 – ад нямецка-фашысцкіх захопнікаў вызвалены Гарадок Віцебскай вобласьці.

1981 – генэрал Войцех Ярузэльскі абвясьціў у Польшчы ваеннае становішча.

2003 – вайскоўцы ЗША знайшлі ў схованцы і арыштавалі былога ірацкага прэзыдэнта Садама Хусэйна.

2007 – пасол ЗША ў Беларусі Карэн Ст'юарт паведаміла пра тое, што візавыя санкцыі пашыраныя яшчэ на 30 беларускіх чыноўнікаў. Упершыню ў чорны сьпіс патрапілі дырэктары і намесьнікі дырэктараў дзяржаўных прадпрыемстваў, а таксама іх жонкі або мужы.

У гэты дзень нарадзіліся

1941 – Мікола Маляўка, беларускі паэт.

У гэты дзень памерлі

1944 – Васіль Кандзінскі, расейскі мастак, адзін з заснавальнікаў абстракцыянізму.

ЁСЬЦЬ НАГОДА

Каталікі адзначаюць дзень сьвятой Люцыі, якая лічыцца ахоўніцай сьвятла. У праваслаўных – дзень сьвятога Андрэя, да якога дзяўчаты ў даўнейшыя часы прымяркоўвалі сваю варажбу на суджанага.

ЦЫТАТА НА ПАМЯЦЬ

«Святы Андрэю, я каноплі сею, дай мне знаць, з кім буду рваць».

З каляднай варажбы
XS
SM
MD
LG