Лінкі ўнівэрсальнага доступу

Зьявіўся афіцыйны сайт Рыгора Барадуліна


Рыгор Барадулін

Рыгор Барадулін

Запрацаваў сайт baradulin.by. На грамадзкіх пачатках сайт стварыў журналіст Глеб Лабадзенка.

«Для мяне было нечаканасьцю, што сайт baradulin.by дагэтуль не існуе і нават ня быў зарэгістраваны, — кажа Лабадзенка. — Я патлумачыў дзядзьку Рыгору, навошта гэта патрэбна.

Ён пасьмяяўся з сучаснага выслоўя „калі цябе няма ў інтэрнэце, цябе няма нідзе“ ».

На сайце Глеб Лабадзенка сабраў вершы, фота, электронныя вэрсіі кнігаў Рыгора Барадуліна, а таксама згадкі ў прэсе: «За гады знаёмства зь дзядзькам Рыгорам у мяне назапасіліся тысячы фатаздымкаў і вершаў. Я падумаў, чаму б гэта ўсё не сабраць на адным сайце? Задача — ня столькі зрабіць нешта эксклюзіўнае, колькі забраць у адным месцы ўсю інфармацыю, датычную Барадуліна».

Вітальнае слова ад Рыгора Барадуліна



Глеб Лабадзенка спадзяецца, што сайт стане інтэрактыўным: «Буду ўдзячны, калі людзі будуць прысылаць нейкія матэрыялы». У разьдзеле «Кнігі» пакуль няма кнігі «Дуліна ад Барадуліна», якая выйшла ў «Бібліятэцы Свабоды» ў 2004 годзе. «Дуліну ад Барадуліна» ў pdf-фармаце можна чытаць тут.
XS
SM
MD
LG