Лінкі ўнівэрсальнага доступу

Папа Францішак стаў чалавекам году паводле вэрсіі Time


Папа рымскі Францішак

Папа рымскі Францішак стаў чалавекам году паводле вэрсіі амэрыканскага часопіса Time.

На сайце выданьня адзначаецца, што ў Time вырашылі прысудзіць гэты тытул папу за яго сьціпласьць і за яго ўцягнутасьць ва ўсе важныя агульнасусьветныя праблемы і дыскусіі.

«За дзевяць месяцаў на гэтай пасадзе ён [папа] прыняў удзел ва ўсіх самых важных дыскусіях нашага часу: аб багацьці і беднасьці, справядлівасьці і адкрытасьці, сучаснасьці і глябалізацыі, ролі жанчын у грамадзтве, прыродзе шлюбу, спакусах улады», – гаворыцца ў калёнцы галоўнага рэдактара Time Нэнсі Гібс (Nancy Gibbs).

Гібс адзначыла, што папа Францішак здолеў кінуць выклік сьвету, які з-за тэхналёгій становіцца меншым і ў якім цяпер мацней чутныя асобныя галасы. «Калі ён цалуе твар скалечанага чалавека ці амывае ногі мусульманкі, гэты вобраз разыходзіцца далёка за межамі каталіцкай царквы», – заявіла галоўны рэдактар Time.
XS
SM
MD
LG