Спэцназ прарваў і разабраў барыкады ля Майдану, выціснуў людзей у бок сцэны. Шмат параненых і затрыманых. Часткова зьнішчылі намётавае мястэчка. Колькасьць удзельнікаў на Майдане цягам ночы павялічылася з 2 тысячаў да 10-15 тыс.
МУС Украіны: газ не ўжывалі, намётаў не падпальвалі
Ва Упраўленні сувязяў з грамадзкасцю МУС Украіны паведамляюць, што ў адпаведнасьці з пастановай Акруговага адміністрацыйнага суду горада Кіева ад 9 сьнежня 2013 года, «работнікі Дзяржаўнай службы па надзвычайных сытуацыях і камунальных службаў сталіцы ажыцьцяўляюць дэмантаж барыкадаў, пабудаваных удзельнікамі так званага Эўромайдану. Мэта гэтай дзейнасьці — забесьпячэнне свабоднага перамяшчэньня грамадзян і аўтатранспарту ў цэнтральнай частцы горада».
Паводле зьвестак міліцыі, па стане на 02.30 11 сьнежня на месцы падзей знаходзіліся каля 1000 грамадзян, перад якімі выступалі народныя дэпутаты і грамадзкія дзеячы. Каб не дапусьціць парушэньняў грамадзкага парадку і супрацьпраўных дзеяньняў у дачыненьні да камунальнікаў, работнікі міліцыі і вайскоўцы ўнутраных войскаў МУС адціснулі мітынгоўцаў да сцэны, разьмешчанай на Майдане Незалежнасьці. У міліцыі заяўляюць, што «спэцыяльныя сродкі да ўдзельнікаў акцыі не ўжываліся. Працаўнікамі міліцыі затрыманыя некалькі найбольш актыўных правапарушальнікаў, якія супраціўляліся праваахоўнікам».
Клічко і міліцэйскі генэрал спрабуюць разьвесьці дэманстрантаў і спэцназ
Лідэр партыі УДАР Віталь Клічко і першы намесьнік камандуючага ўнутраных войскаў, генэрал-лейтэнант Сяргей Канаплянік прыбылі на Эўрамайдан.
Як перадае карэспандэнт Радыё Свабода, цяпер яны спрабуюць разьвесьці пратэстоўцаў і байцоў «Беркуту» каля барыкады на вуліцы інстытуцкай. Клічко спрабуе адвесьці калёну актывістаў, а генэрал — спэцназаўцаў. Чытаць далей...
05:5311.12.2013
Украінскае агенцтва навінаў УНІАН паведамляе, што затрыманых б'юць у аўтазаках.
05:3911.12.2013
Мітынгоўцы спынілі «Беркут» на падыходзе да Майдану
Як перадае карэспандэнт Радыё Свабода ўжо каля 30 хвілін яны стаяць «сьценка на сьценку», але без сутыкненьняў Чытаць далей...
05:3311.12.2013
Разгону намётавага мястэчка ня будзе, — кіеўская міліцыя
У міліцыі запэўніваюць, што разгону намётавага мястэчка на Майдане Незалежнасьці ня будзе, гаворка ідзе выключна аб выкананьні рашэньня суда аб вызваленьні цэнтральных аўтадарог сталіцы. Пра гэта паведамілі ў сталічнай міліцыі са спасылкай на словы выканаўцы абавязкаў начальніка Галоўнага ўпраўленьня МУС у Кіеве Валерыя Мазана.
«Гаворка не ідзе пра які-кольвек разгон намётавага мястэчка на Майдане, а гаворка ідзе выключна аб выкананьні рашэньня суда аб вызваленьні транспартных магістраляў», — кажа Мазан Чытаць далей...
05:1911.12.2013
Байцы «Беркуту» разьбіраюць барыкаду на вуліцы Інстытуцкай. Як перадае карэспандэнт Радыё Свабода, падчас гэтага быў ужыты пярцовы газ.
Па паведамленні УНІАН, у кіеўскай міліцыі запэўніваюць, што разгону намётавага мястэчка на Майдане Незалежнасьці ня будзе, гаворка ідзе выключна аб выкананьні рашэньня суда аб вызваленьні цэнтральных аўтадарог сталіцы.
05:1411.12.2013
Люди на інститутській святкують маленьку перемогу над беркутом. #євромайдан
Два намёты ля Кіеўскай гарадзкой адміністрацыі дэмантавалі. У зносе ўдзельнічалі камунальнікі пад аховай байцоў з нашыўкамі «Барс». Каля памяшканьня мэрыі людзі чакаюць штурму будынка.
04:4311.12.2013
Неверагодная колькасьць сілавікоў на падыходах да Майдану
04:4111.12.2013
Клічко: Пасьля сёньняшніх падзеяў улада страціць шанец цывілізавана гаварыць з намі
04:4011.12.2013
Прыкладна так выглядаюць рэшткі разьбітага намётавага мястэчка. Спэцназ спрабуе выціснуць людзей з падыходаў на Майдан
04:3411.12.2013
Коламі пазначана, дзе сканцэнтраваныя буйныя групы спэцназу, і адбываюцца сутычкі з дэманстрантамі
На ўваходзе ў акружаны барыкадамі пэрымэтар Эўрамайдану, заклікаюць пакідаць рэчы, якія могуць быць выкарыстаныя ў сутычках. Актывісты адзначаюць, што акцыя на Эўрамайдане — мірная. Чытаць далей...
