Сілавікі прарваліся на Майдан Незалежнасьці з боку Украінскага дома, выціскаюць дэманстрантаў. Сілавікі прарвалі чалавечы ланцуг з боку інстытуцкай і рухаюцца ў кірунку сцэны на Майдане Незалежнасьці, выціскаючы людзей.
Дэманстранты моляцца. Са сцэны вядучы заклікае Беркут не ўжываць сілы
Людзі сьпяваюць гімн, крычаць «Міліцыя з народам» і «Разам і да канца». Акрамя таго, мітынгоўцы кідаюць у сілавікоў сьнег і льюць ваду.
На Михайлівській велика кількість автозаків #ЄВРОМАЙДАН
— Єврокраїна (@euroukraine) December 10, 2013
Пачынаецца штурм Кіеўскай гарадзкой адміністрацыі
Cілавікі зьбіраюцца прарваць барыкаду з боку Міхайлоўскай. Пра гэта паведаміў дэпутат Андрэй Шаўчэнка, які прысутнічаў на месцы. "Асноўная частка сіл цяпер там. Дэпутаты спрабуюць стрымаць міліцыю. Іх (сілавікоў) проста цемра", - сказаў Шаўчэнка ў інтэрвію Украінскай Праўдзе.
Сілавікі рыхтуюцца да штурму будынка Кіеўскай гарадзкой адміністрацыі
Готуються штурм КМДА! Підтягнули бійців #євромайдан #евромайдан #euromaidan pic.twitter.com/DHnUVIlrGC
— Alex (@qatray) December 10, 2013
Майдан аточаны з усіх бакоў калёнамі міліцыі. Дэманстранты сьпяваюць гімн Украіны
Вялікая колькасьць сілавікоў ідзе ў наступ на Майдан. Атачылі Майдан
Начался штурм #ЄвроМайдан. Беркут прорывает баррикаду на Институтской и спускается от Оперы к Киевсовету.
— Leshchenko (@Leshchenkos) December 10, 2013
Народ отбил первую атаку!#євромайдан
— Владимир Малышев (@vmaltv) December 10, 2013
На майдане абвясьцілі мабілізацыю. Разгон чакаецца а першай ночы
Штаб нацыянальнага супраціву распаўсюдзіў інфармацыю аб заплянаванай на 1:00 ночы спэцапэрацыю па зачыстцы Майдана падразьдзяленьнямі ўнутраных войскаў і «Беркуту». Адпаведную заяву распаўсюдзіла прэс-служба «Бацькаўшчына».
«У ролі правакатараў выступяць народныя дэпутаты ад Партыі рэгіёнаў, якіх на дадзены момант ужо мабілізавала для ўдзелу ў апэрацыі», — гаворыцца ў заяве.
«Штаб нацыянальнага супраціву заклікае неабыякавых кіяўлянаў прыбыць на Майдан і сваёй прысутнасьцю узмацніць яго абарону. Чым больш людзей будзе на Майдане, тым менш верагоднасьць супрацьпраўных дзеяньняў з боку ўлады», — гаворыцца ў паведамленьні.
«Штаб таксама зьвяртаецца да сродкаў масавай інфармацыі з просьбай пакінуць на ноч як мага больш журналістаў, разглядаючы гэта як стрымвальны фактар, які абароніць людзей ад ужываньня сілы з боку так званых праваахоўнікаў», — паведамілі ў штабе.
У ноч зь 9 на 10 сьнежня сілавікі зачысцілі барыкады мітынгоўцаў, якія знаходзіліся ў раёне Вярхоўнай Рады і адміністрацыі прэзыдэнта
Мэтро ў Кіеве зноў замінавалі
Станцыі мэтро «Хрэшчатык» і «Майдан Незалежнасьці» ў Кіеве зноў зачыненыя. Па дадзеных сталічнага ўпраўленьня МУС, невядомы чалавек патэлефанаваў у міліцыю з паведамленьнем быццам бы аб замінаваньні мэтро.Зараз на месцы працуюць супрацоўнікі МУС і Дзяржаўнай службы па надзвычайных сытуацыях, яны правяраюць станцыі на наяўнасць выбухованебясьпечных прадметаў.
Тры цэнтральныя станцыі мэтро — «Хрэшчатык», «Майдан Незалежнасьці» і «Тэатральная» — былі зачыненыя на працягу некалькіх гадзінаў у панядзелак, 9 сьнежня. Тады міліцыя таксама паведаміла, што атрымала выклік аб замінаваньні мэтро. Пагроза не пацьвердзілася, па факце фальшывага паведамленьня распачалі крымінальную справу.
#евромайдан #євромайдан Каток перед Киевсоветом. pic.twitter.com/aV3tVG94dk
— Левый Берег LB.ua (@lb_ua) December 10, 2013
ЭШТАН НА МАЙДАНЕ
Вярхоўны камісар Эўразьвязу Кэтрын Эштан перад сустрэчай зь лідэрамі ўкраінскай апазыцыі наведала мітынгоўцаў на плошчы Незалежнасьці ў Кіеве. Эштан на Эўрамайдане суправаджаў кіраўнік прадстаўніцтва Эўразьвязу ва Ўкраіне Ян Тамбінскі.Паводле агенцтваў, удзельнікі акцыі, якія даведаліся Эштон, скандавалі яе імя, а таксама разам выкрыквалі «Дзякуй». Сёньня ў Кіеве Кэтрын Аштан сустракалася з прэзыдэнтам Украіны Віктарам Януковічам. Падрабязнасьці больш чым 3-гадзіннай сустрэчы пакуль невядомыя.
Глава европейской дипломатии Кэтрин Эштон на площади Независимости в Киеве #евромайдан pic.twitter.com/SxMtbtv4El
— РИА Новости (@rianru) December 10, 2013