Лінкі ўнівэрсальнага доступу

Пакуль спэцназ выціскаў мітынгоўцаў, людзі ў цывільным разабралі апазыцыйныя барыкады


Людзей ля блёкпосту на скрыжаваньні вуліцаў Банкавая і Лютэранская, за які адказная арганізацыя «Свабода», пачалі выціскаць сілавікі. Мітынгоўцы спрабуюць аказваць супраціў.

Па дадзеных журналістаў, якія знаходзяцца на месцы здарэньня, невядомыя людзі выкарыстоўвалі супраць сілавікоў дубцы і газ. Ці гэта былі непасрэдна мітынгоўцы, пакуль невядома.

Сілавікі прыйшлі на рог Лютэранскай і Банкавай, спачатку былі пасіўнымя. Некалькі дэпутатаў ад Партыі рэгіёнаў, якія прыйшлі да блёкпосту, заклікалі мітынгоўцаў вярнуцца на майдан Незалежнасьці. Аднак апазыцыя зьвярнулася да прысутных і заклікала не адыходзіць. Пасьля гэтага сілавікі пайшлі ў наступ.

Пакуль сілавікі адціскалі мітынгоўцаў, невядомыя людзі разабралі блёкпост апазыцыі на рагу вуліц Лютэранская і Банкавая. Паводле прысутных на месцы здарэньня журналістаў, барыкады разбуралі маладыя людзі ў цывільным, якіх на месца пратэсту бесьперашкодна прапусьцілі праваахоўнікі.

Гэтай ноччу невядомыя ўжо разабралі іншыя барыкады апазыцыі.


ЖЫВАЯ ВІДЭАТРАНСЬЛЯЦЫЯ






XS
SM
MD
LG