Лінкі ўнівэрсальнага доступу

Прэзэнтацыя кнігі Анатоля Лябедзькі «108 дзён і начэй у засьценках КДБ»

9 сьнежня ў Менску прэзэнтавалі новае выданьне Бібліятэкі Свабоды. Яго склалі турэмныя запісы старшыні Аб’яднанай грамадзянскай партыі, былога дэпутата Вярхоўнага Савету 12 і 13 скліканьняў Анатоля Лябедзькі, які пасьля прэзыдэнцкіх выбараў 2010 году быў кінуты за краты «амэрыканкі». Час зьняволеньня даў назву кнізе — «108 дзён і начэй у засьценках КДБ». Фрагмэнты свайго турэмнага дзёньніка аўтар чытаў у эфіры Радыё Свабода.


19:30 9.12.2013
Валер Каліноўскі нагадвае, што кніга Лябедзькі — 43-я кніга ў сэрыі «Бібліятэка Свабоды». Слова даецца чалавеку, які заснаваў гэтую сэрыю — дырэктару Беларускай Свабоды Аляксандру Лукашуку.

Аляксандар Лукашук узгадвае, дзе ён быў 19 сьнежня, у тую ноч, з апісаньня якой і пачынаецца кніга Анатоля Лябедзькі. «Я перадаваў рэпартаж для CNN, і калі скончыў, то ўбачыў, што Плошча ўжо пустая. І нейкі афіцэр настойліва папрасіў мяне пакінуць яе. Я спусьціўся ў пераход мэтро, дзе ішла грамадзянская вайна...

У нашай навагодняй перадачы на Радыё Свабода мы зачыталі сьпісы ўсіх палітзьняволеных, якія зьявіліся пасьля 19 сьнежня. Гэты сьпіс чыталі Вацлаў Гавэл, Фрэнсіс Фукуяма, былы прэзыдэнт Джордж Буш, Кандаліза Райс, Барыс Стругацкі, Алена Бонэр ды іншыя сусьветна вядомыя людзі. Але я ніяк ня мог знайсьці амэрыканскага кангрэсмэна Крыстафэра Сьміта, аўтара „Акту аб дэмакратыі ў Беларусі“. І калі я да яго дазваніўся, гэта ўжо была раніца 31 сьнежня. І Сьміт кажа — „я згодны, але я хачу прачытаць менавіта імя Анатоля Лябедзькі“. Цяпер, праз тры гады, кангрэсмэн Крыстафэр Сьміт напісаў прадмову да кнігі Анатоля Лябедзькі...

У кнізе Анатоля Лябедзькі ёсьць бліскучыя словы „Я хутчэй адгрызу уласную руку, чым адмоўлюся ад таго, у што веру“. Дайце паціснуць гэтую руку» — кажа Аляксандар Лукашук, і цісьне руку Анатолю Лябедзьку.
19:16 9.12.2013
Слова даецца намесьніку старшыні АГП Льву Марголіну. «Кожны, хто зьвязаў сваё жыцьцё з апазыцыяй, павінен гэтую кнігу прачытаць, каб быць падрыхтаваным. Што тычыцца будучых выбараў, то мне хацелася б, каб быў адзіны кандыдат, абраны народам. Кім бы ён ня быў, я з задавальненьнем буду працаваць зь ім на выбарах».
19:15 9.12.2013
Прысутным паказваюць фатаграфіі Анатоля Лябедзькі да затрыманьня 19 сьнежня і пасьля знаходжаньня ў амэрыканцы. «Турма мне дала ня толькі нейкі новы досьвед, цалкам нечаканы — але я зрабіў і пэўныя высновы. Я зразумеў, які я вялікі даўжнік перад сваімі блізкімі. Цяпер я імкнуся як мага больш быць з сваімі блізкімі, і вам усім гэта раю. Канечне, трэба даць зразумець гэтым людзям, што вы мацнейшы за іхнія катаваньні. Я штодня адціскаўся па тысячу разоў — у мароз і ў гразь. На 23 лютага яны ўключылі нам песьні пра „вялікага Сталіна“, каб псыхалягічна на нас узьдзейнічаць. Праз пэўны час на мяне проста махнулі рукой як на „беспэрспэктыўнага“.

Галоўнае — вера. Усё пачынаецца з свайго маленькага майданчыка», — упэўнены Лябедзька.
Анатоль Лябедзька падпісвае кнігі

Анатоль Лябедзька падпісвае кнігі

19:07 9.12.2013
Выступае рэжысэр Юры Хашчавацкі, які напісаў прадмову да англамоўнай вэрсіі кнігі Анатоля Лябедзькі. “Параўнайце твары выпускнікоў Коласаўскага ліцэю і выпускнікоў міліцэйскай акадэміі — вы ўбачыце два варыянты будучыні нашай краіны. Мы можам вучыць нашых дзяцей толькі на ўласным прыкладзе, на прыкладах нашага досьведу. Пішыце ўсе свае кнігі — я вось таксама пішу!“.

Загрузіць яшчэ

Паказаць камэнтары

XS
SM
MD
LG