Лінкі ўнівэрсальнага доступу

Ужо сёньня, 7 сьнежня: Арт-кірмаш у Менску; дзень памяці Вацлава Іваноўскага


У Віскулях падпісваецца заява аб дэнансацыі дамовы аб утварэньні СССР, 1991 год

У Віскулях падпісваецца заява аб дэнансацыі дамовы аб утварэньні СССР, 1991 год

Бліц-агляд падзеяў і тэмаў у Беларусі, сьвеце, гісторыі.

ПАДЗЕІ ДНЯ

Менск, галерэя сучаснага мастацтва «Ў» запрашае на навагодні арт-кірмаш. На ім будуць прадстаўленыя працы Руслана Вашкевіча, Сяргея Кірушчанкі, Міхаіла Гуліна, Аляксея Лунёва, Тамары Сакаловай і іншых. Пачатак а 11.00.

Менск, у кінатэатры «Перамога» праходзіць шосты штогадовы фэстываль фільмаў «Чалавечая годнасьць , роўнасьць і справядлівасьць», арганізаваны сумесна Прадстаўніцтвам ААН у Беларусі і Прадстаўніцтвам Эўрапейскага Зьвязу ў Беларусі. У праграме фэстывалю – мастацкія фільмы, прадстаўленыя амбасадамі Вялікабрытаніі, Нямеччыны, Францыі, Украіны, Кубы, ЗША, Італіі, якія адлюстроўваюць самыя розныя аспэкты правоў чалавека. Фільмы дэманструюцца на мове арыгіналу з субтытрамі. Уваходныя квіткі можна атрымаць бясплатна ў кінатэатры «Перамога» ў дзень паказу з 18.00.

Канцэрт гурту «Gods Tower» у клюбе «Re:public». Пачатак а 18.00.

7 сьнежня – Міжнародны дзень грамадзянскай авіяцыі.

ГЭТЫ ДЗЕНЬ У ГІСТОРЫІ

1550 – Барбара Радзівіл каранаваная ў Кракаве як польская каралева.

1921 – з ініцыятывы Браніслава Тарашкевіча ў Радашкавічах утворана Тварыства беларускай школы.

1941 – Японія атакуе амэрыканскую ваенна-марскую базу Пэрл-Харбар, ЗША ўступаюць у Другую сусьветную вайну.

1988 – у землятрусе ў Сьпітаку (Армэнія) загінула больш за 25 тысяч чалавек.

1988 – Ясір Арафат прызнае права Ізраіля на існаваньне.

1991 – у Віскулях пачалася сустрэча Барыса Ельцына, Леаніда Краўчука і Станіслава Шушкевіча. Назаўтра была падпісаная заява аб дэнансацыі дамовы аб утварэньні СССР.

У гэты дзень нарадзіліся:

1912 – Мікалай Раманоўскі, дэкан геаграфічнага факультэта БДУ, навуковец у галіне эканамічнай геаграфіі.

1928 – Радзім Гарэцкі, беларускі вучоны-геоляг, грамадзкі дзяяч.

1928 – Ноам Чомскі, амэрыканскі лінгвіст.

У гэты дзень памерлі:

1943 – загінуў Вацлаў Іваноўскі (нар. 1880), беларускі грамадзкі і палітычны дзяяч.

1985 – Робэрт Грэйвс, брытанскі паэт, раманіст і крытык.

1993 – Блажэ Конэскі, стваральнік і адзін з кадыфікатараў сучаснай літаратурнай македонскай мовы.

ЦЫТАТА НА ПАМЯЦЬ:

«Разумны правадыр – той, хто выбірае разумных людзей, каб яны за яго думалі».

Робэрт Грэйвс

Паказаць камэнтары

XS
SM
MD
LG