Лінкі ўнівэрсальнага доступу

Украіна: МУС абяцае, што разганяць Майдан ня будзе


Кіраўнік Міністэрства ўнутраных спраў Украіны Віталь Захарчанка даў указаньне праваахоўнікам устрымлівацца ад прымяненьня сілы да ўдзельнікаў мірных акцый, якія праходзяць у Кіеве і іншых гарадах Украіны.

Як паведамляе прэс-служба МУС Украіны.

Віталь Захарчанка таксама заклікаў грамадзян, якія прымаюць удзел у масавых акцыях, устрымлівацца ад парушэньняў закона, а арганізатарам акцый нагадаў аб агульнай адказнасьці за бясьпеку іх удзельнікаў.


Пра тое, што разгон мірных пратэстаў больш не паўторыцца, таксама заявілі першы віцэ-прэм’ер ураду Ўкраіны Сяргей Арбузаў і сьпікер парлямэнта Ўладзімер Рыбак.

«Я думаю, што ніякага сілавога варыянту быць не можа, таму што гэта — мірная акцыя, людзі маюць права выходзіць на вуліцу і адстойваць свае інтарэсы» ,— сказаў сьпікер Вярхоўнай Рады, якога цытуюць «Украінскія навіны».

У сваю чаргу Сяргей Арбузаў спадзяецца, што сытуацыя з сілавым разгонам Эўрамайдана больш не паўторыцца.
XS
SM
MD
LG