Лінкі ўнівэрсальнага доступу

Свабода і ПЭН-Цэнтр абвяшчаюць намінантаў на прэмію імя Францішка Аляхновіча. Прэмія за найлепшы твор, напісаны ў зьняволеньні, была заснаваная сёлета Беларускім ПЭН-Цэнтрам і Радыё Свабода.

У склад журы літаратурнага конкурсу ўвайшлі перакладчык Лявон Баршчэўскі, дырэктар беларускай «Свабоды» Аляксандар Лукашук, паэт і былы палітвязень Уладзімер Някляеў, карэспандэнтка «Свабоды» Ганна Соўсь, літаратуразнаўца і былы палітвязень Аляксандар Фядута.

Вынікі конкурсу будуць абвешчаныя 10 сьнежня, у міжнародны Дзень правоў чалавека.

Арганізатары плянуюць уручаць прэмію імя Францішка Аляхновіча, пакуль сытуацыя ў краіне будзе даваць для гэтага падставы, але маюць спадзеў, што яна як найхутчэй страціць сваю актуальнасьць.

Сьпіс намінантаў на прэмію імя Францішка Аляхновіча

1. Ігар Аліневіч


Еду в Магадан. — «Радикальная теория и практика», 2013.

Нарадзіўся 24 верасьня 1983 года. Спэцыяліст па радыёэлектроніцы. 28 лістапада 2010 года гвалтоўна выкрадзены ў Маскве і зьмешчаны ў СІЗА КДБ. 27 траўня 2011 года асуджаны на 8 гадоў зьняволеньня па абвінавачаньні ў злосным хуліганстве і пашкоджаньні маёмасьці агульнанебясьпечным спосабам і ў асабліва буйным памеры. Утрымліваецца ў калёніі № 10 у Наваполацку.

2. Сяргей Аўчыньнікаў


Путешествие [апавяданьне] (рукапіс).

Нарадзіўся ў 1985 годзе. Скончыў Маскоўскі сацыяльны ўнівэрсытэт. Затрыманы 27 чэрвеня 2010 года, да нядаўняга часу ўтрымліваўся ў СІЗО № 1. Цяпер знаходзіцца ў турме № 8 г. Жодзіна.

3. Юрый Бандажэўскі


Турма і здароўе: Парады прафэсара мэдыцыны. — Радыё Свабодная Эўропа / Радыё Свабода, 2013.

Нарадзіўся 9 студзеня 1957 года. Скончыў Гарадзенскі дзяржаўны мэдычны ўнівэрсытэт. Доктар мэдычных навук, прафэсар, правадзейны сябар Нью-Ёркскай акадэміі навук. З 1990 па 2001 гады — рэктар Гомельскага дзяржаўнага мэдычнага ўнівэрсытэту. Арыштаваны 13 ліпеня 1999 года. Стаў 25-м чалавекам у сьвеце, якія атрымалі пашпарт свабоды, які дае права свабодна выбіраць месца жыхарства ў Эўропе. Вызвалены 5 жніўня 2005 года.

4. Алесь Бяляцкі


Асьвечаныя беларушчынай. — Менск, 2012.
«Дзяды» былі з намі: З нагоды 25-годдзя першага масавага мітынгу ў Беларусі. — «Дзеяслоў», № 66.


Нарадзіўся 25 верасьня 1962 года. Скончыў Гомельскі дзяржаўны ўнівэрсытэт і асьпірантуру Інстытута літаратуры АН Беларусі. Грамадзкі дзея і праваабаронца. Арыштаваны 4 жніўня 2011 года. 24 кастрычніка 2011 года асуджаны да 4,5 гадоў турмы за «ўтойваньне прыбыткаў у буйным памеры». Утрымліваецца ў калёніі № 2 г.Бабруйск.

5. Зьміцер Дашкевіч


Гумавы тапак (рукапіс).
Чарвяк [аповесьць]. — «Наша ніва», № 26 ад 17.07.2013 — № 31 ад 21.08.2013.


Нарадзіўся 20 ліпеня 1981 года. Вучыўся ў Гарадзенскім сельскагаспадарчым інстытуце, Віленскім пэдагагічным унівэрсытэце. Лідэр «Маладога Фронту». Арыштаваны 18 сьнежня 2010 года. 24 сакавіка 2011 года быў асуджаны на 2 гады па абвінавачаньні ў злосным хуліганстве. Вызвалены 28 жніўня 2013 года.


6. Дзьмітрый Карпіцкі


Поостынь, смирись, покайся Богу: Поэтическая исповедь из темницы (рукапіс).

Нарадзіўся 21 лютага 1974 года. Скончыў Беларускі нацыянальны тэхнічны ўнівэрсытэт. У 2006 годзе асуджаны на 12 гадоў пазбаўленьня волі. Знаходзіцца ў папраўчай калёніі № 3, Віцебская вобласьць.

7. Алесь Кіркевіч


Вясна. Анталія. Вялікдзень: Філязофія турэмнага дворыка. — «Дзеяслоў», № 53, 2011.
Няскончаная Адысея: Беларуская турма для пачынаючых (рукапіс).


Нарадзіўся 9 лістапада 1989 года. Вучыўся ў Гродзенскім дзяржаўным унівэрсытэце. Намесьнік старшыні «Маладога Фронту», кіраўнік яго гродзенскага аддзяленьня. Затрыманы праз пяць дзён пасьля акцыяў пратэсту 19 сьнежня 2010 года, асуджаны на 10 сутак арышту. 3 студзеня 2011 года быў вызвалены, а 28 студзеня арыштаваны зноў па справе пра масавыя беспарадкі. 5 траўня 2011 года асуджаны на 4 гады пазбаўленьня волі. Вызвалены 1 верасьня 2011 года.


8. Сяржук Клачкоў (Доўгушаў)


Турэмны дзёньнік (рукапіс).

Нарадзіўся ў 1983 годзе. Скончыў Беларускую дзяржаўную акадэмію музыкі. Сьпявак, музыка, кіраўнік гуртоў Fratrez і Vuraj. Арыштаваны 19 сьнежня 2010 года падчас акцыі пратэсту супраць фальсыфікацыі вынікаў прэзыдэнцкіх выбараў. Асуджаны на 15 сутак арышту, якія адседзеў у СІЗА на Акрэсьціна.


9. Анатоль Лябедзька


108 дзён і начэй у засьценках КДБ: Дзёньнік палітычнага закладніка Анатоля Лябедзькі (рукапіс). — Радыё Свабода.

Нарадзіўся 27 чэрвеня 1961 года. Скончыў Менскі пэдагагічны інстытут і Беларускі дзяржаўны ўнівэрсытэт. Беларускі палітычны дзеяч, старшыня Аб’яднанай грамадзянскай партыі (АГП). Пасьля 19 сьнежня 2010 года ўтрымліваўся ў СІЗА КДБ з абвінавачаньнем у арганізацыі масавых беспарадкаў. Вызвалены ў красавіку 2011 года.

10. Павел Севярынец


Беларуская глыбіня. — «Наша ніва», № 33 ад 07.09.2011 — № 39 ад 23.10.2013.

Нарадзіўся 30 сьнежня 1976 года. Скончыў Беларускі дзяржаўны ўнівэрсытэт. Палітык, публіцыст, адзін з заснавальнікаў «Маладога Фронту». У 2005 годзе быў абвінавачаны ў арганізацыі акцыяў пратэсту супраць балятаваньня А. Лукашэнкі на трэці прэзыдэнцкі тэрмін, асуджаны да 3 гадоў абмежаваньня волі. У 2007 годзе быў вызвалены. Арыштаваны 20 сьнежня 2010, асуджаны на 3 гады «хіміі» па справе аб масавых беспарадках. Выйшаў на свабоду 19 кастрычніка 2013 года.

11. Аляксандр Францкевіч


Абдымі мяне мацней [апавяданьне]. — 2013. «Наша ніва» 29.05.2013

Нарадзіўся 6 траўня 1990 года. Скончыў ліцэй у Наваполацку, праграміст. Зьняволены 3 верасьня 2010 года. 24 траўня 2011 года Аляксандар Францкевіч быў асуджаны на тры гады пазбаўленьня волі па «справе анархістаў». Яго абвінавацілі ў нападзе на шэраг дзяржаўных установаў, а таксама ва ўзломе сайта Наваполацкага гарвыканкама. Вызвалены 3 верасьня 2013 года.

12. Ірына Халіп


Дневник зечки (рукапіс, рыхтуецца да друку).

Нарадзілася 12 лістапада 1967 года. Скончыла Беларускі дзяржаўны ўнівэрсытэт. Карэспандэнтка расейскай «Новой газеты», жонка экс-кандыдата ў прэзыдэнты Андрэя Саньнікава. У ноч з 19 на 20 сьнежня 2010 года была затрыманая. 16 траўня 2011 года была асуджаная да двух гадоў пазбаўленьня волі з адтэрміноўкай выкананьня прысуду ў два гады.

Паказаць камэнтары

XS
SM
MD
LG