Лінкі ўнівэрсальнага доступу

Ужо сёньня, 2 сьнежня: Міжнародны дзень барацьбы за адмену рабства, адкрыцьцё францускай выставы ў Менску


Зіма

Зіма

Падзеі і даты гэтага дня ў Беларусі, сьвеце, гісторыі.

ПАДЗЕІ ДНЯ

Менск. У Нацыянальным мастацкім музэі адкрываецца выстава «Скрыжаваньні і пераемнасьць у Маене» з калекцыі Музею наіўнага і сынгулярнага мастацтва (г. Лаваль, Францыя), прыватных калекцый Мішэля Леру і Марка Валена (Францыя). Прэс-канфэрэнцыя з нагоды адкрыцьця выставы адбудзецца а 16.30 у новым корпусе музэю.

Менск. Амбасада Ізраілю запрашае на адкрыцьцё Фэстывалю ізраільскага кіно, якое адбудзецца ў кінатэатры «Цэнтральны» (пр-т Незалежнасьці, 13). Пачатак а 18.00.

Горадня. Гарадзенскі абласны цэнтар турызму і краязнаўства прадае драўляны будынак турбазы ў Азёрах (1936 году), будынак спартовай залі і гаспадарчыя пабудовы. Іх неабходна вярнуць у гаспадарчае абарачэньне цягам 2 гадоў. Першапачатковы кошт – 94 336 925 рублёў.

У Росі на продаж выстаўляецца цэлы комплекс будынкаў (1950-80-х гадоў) былога вайсковага гарадка №11. У сьпісе – казарма, пункт кіраваньня, КПП, сьвінарнік, гараж, бомбасховішча ды шмат іншага. Першапачатковы кошт – 1 629 286 864 рублёў.

ЁСЬЦЬ НАГОДА

Міжнародны дзень барацьбы за адмену рабства

Візыт прэзыдэнта Расеі Ўладзімера Пуціна ў Ерэван

Візыт прэзыдэнта Польшчы Браніслава Камароўскага ў Кіеў

ГЭТЫ ДЗЕНЬ У ГІСТОРЫІ

1409 – адкрыўся Ляйпцыгскі ўнівэрсытэт.

1591 – у Менску створана брацтва мэталаапрацоўчых рамёстваў – першае цэхавае ўтварэньне ў сучаснай беларускай сталіцы. Наступнымі будуць кравецкі, шавецкі, злотніцкі, рымарскі, цырульніцкі ды іншыя цэхі.

1804 – Напалеон Банапарт абвясьціў сябе імпэратарам Францыі.

1942 – Энрыка Фэрмі атрымаў першую кантраляваную ланцуговую ядзерную рэакцыю.

1946 – пагадненьне аб аб’яднаньні акупацыйных зонаў Нямеччыны.

1961 – выступаючы на радыё, Фідэль Кастра заявіў, што Куба будзе будаваць камунізм.

1971 – узьнікла дзяржава пад назвай Аб’яднаныя арабскія эміраты. У дзяржаву аб’ядналіся сем эміратаў.

1992 – адпраўлена першае SMS-паведамленьне.

У гэты дзень нарадзіліся:

1776 – беларускі філёзаф Анёл Доўгірд.

1886 – беларускі кампазытар Мікола Равенскі.

1923 – савецкі і расейскі палітычны дзеяч Аляксандар Якаўлеў.

1923 – амэрыканская опэрная сьпявачка Марыя Калас.

1946 – італьянскі мадэльер Джані Вэрсачэ.

1958 – алімпійскі чэмпіён, вясьляр Уладзімер Парфяновіч.

1962 – футбаліст Аляксандар Зыгмантовіч.

У гэты дзень памерлі:

1814 – францускі пісьменьнік Маркіз дэ Сад.

1980 – францускі пісьменьнік Рамэн Гары.

ЦЫТАТА НА ПАМЯЦЬ

“…Я маю намер паказаць, што нашы веды пра рэчы, якія існуюць па-за нашым розумам, паходзяць з пэўных прыроджаных правілаў розуму, і што ўсе аргумэнты, якія, здавалася б, апраўдваюць нашы сумневы адносна ведаў ці нават адмаўляюць іх магчымасьць, цалкам бессэнсоўныя….”

Анёл Доўгірд, Пра лёгіку, мэтафізыку і маральную філязофію...
XS
SM
MD
LG