Лінкі ўнівэрсальнага доступу

А малдаване будуць езьдзіць у Эўрапейскі Зьвяз бязь віз


Прэм'ер-міністар Малдовы Юры Лянкэ
Прэм'ер-міністар Малдовы Юры Лянкэ

Міністар замежных спраў краіны Натальля Герман, якая знаходзіцца ў Вільні, выказала надзею, што гэта можа адбыцца ўжо ў першай палове 2014 году.

Герман сустрэлася з журналістамі пасьля тэхнічнай працэдуры парафіяваньня дамовы пра асацыяцыю Малдовы з Эўразьвязам.

Працэдура заняла больш за дзьве гадзіны, бо прадугледжвае падпісаньне кожнай старонкі пагадненьня, уключаючы ўгоду пра зону вольнага гандлю. Афіцыйная цырымонія парафіяваньня дакумэнту адбудзецца ў пятніцу, калі подпісы пад дакумэнтам паставяць прэм'ер-міністар Малдовы Юры Лянкэ і кіраўніца эўрапейскай дыпляматыі Кэтрын Эштан. Напярэдадні Віленскага саміту Эўракамісія рэкамэндавала прыняць рашэньне пра лібэралізацыю візавага рэжыму з Малдовай, паколькі краіна выканала ўсе ўмовы Эўразьвязу на гэты конт.

Тым часам у самім Кішынёве шэраг дэманстрантаў на чале з прадстаўнікамі камуністычнай партыі наладзілі антысаміт. Яны выставілі пікеты каля офісу місіі Эўразьвязу і скандавалі лёзунгі ў падтрымку Мытнага зьвязу.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG